Dead body's eye missing in Bihar hospital, family suspects foul play

പട്നയിലെ നളന്ദ മെഡിക്കല് കോളേജ് ആശുപത്രിയില് സൂക്ഷിച്ച മൃതദേഹത്തിന്റെ ഒരു കണ്ണ് നഷ്ടമായെന്ന പരാതി ഉയര്ന്നിരിക്കുകയാണ്. ഫാന്തുസ് കുമാര് എന്ന പട്ന സ്വദേശിയുടെ മൃതദേഹത്തില് നിന്നാണ് ഇടതുകണ്ണ് നഷ്ടമായതെന്ന് ബന്ധുക്കള് ആരോപിച്ചു. എന്നാല് കണ്ണ് എലി കരണ്ടതാകാനാണ് സാധ്യതയെന്നാണ് ആശുപത്രി അധികൃതരുടെ മറുപടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വയറിന് വെടിയേറ്റ നിലയില് ഫാന്തുസ് കുമാറിനെ വ്യാഴാഴ്ച ആശുപത്രിയില് പ്രവേശിപ്പിച്ചിരുന്നു. തീവ്ര പരിചരണ വിഭാഗത്തില് ചികിത്സയിലിരിക്കെ വെള്ളിയാഴ്ച രാത്രി അദ്ദേഹം മരണമടഞ്ഞു. മൃതദേഹം സംസ്കരിക്കാനെത്തിയ കുടുംബമാണ് ഇടതുകണ്ണ് നഷ്ടമായ കാര്യം കണ്ടെത്തിയത്. ഇതോടെ കുടുംബം പരാതിയുമായി രംഗത്തെത്തി.

അവയവക്കച്ചവടത്തിന്റെ ഭാഗമായാണ് മൃതദേഹത്തില്നിന്ന് കണ്ണ് നീക്കം ചെയ്തതെന്നും, ഇതിനുപിന്നില് ആശുപത്രി അധികൃതര് തന്നെയാണെന്നുമാണ് ബന്ധുക്കളുടെ ആരോപണം. കുമാറിനെ ആക്രമിച്ചവരുമായി ചേര്ന്ന് ആശുപത്രിയിലെ ചിലര് നടത്തിയ ഗൂഢാലോചനയുടെ ഫലമാണിതെന്നും കുടുംബം പറയുന്നു. എന്നാല് ഈ ആരോപണങ്ങള്ക്ക് യാതൊരു അടിസ്ഥാനവുമില്ലെന്നാണ് മെഡിക്കല് കോളേജ് സൂപ്രണ്ടിന്റെ പ്രതികരണം. സംഭവത്തില് അന്വേഷണം ആരംഭിച്ചിട്ടുണ്ട്.

ചേലക്കര താലൂക്ക് ആശുപത്രിയിൽ വീണ്ടും ചികിത്സാ പിഴവ്; പ്രതിഷേധവുമായി കോൺഗ്രസ്

Also Read; ഗർഭിണിയെ കൊലപ്പെടുത്തി കഷ്ണങ്ങളാക്കി, ശരീരഭാഗങ്ങൾ ചാക്കിൽ കെട്ടി; അറസ്റ്റിലായത് ഭർതൃമാതാവ് ഉൾപ്പടെ; സംഭവം പാക്കിസ്ഥാനിൽ

Also Read; ഹോം വർക്ക് ചെയ്തില്ല, ബിഹാറിൽ അധ്യാപകന്റെ ക്രൂര മർദ്ദനത്തിൽ 12 വയസ്സുകാരന് പരിക്ക്

Story Highlights: Dead body’s eye missing in Bihar hospital, family alleges organ trafficking