മുസ്ലിം ലീഗ് സംസ്ഥാന സെക്രട്ടറി കെ എം ഷാജി മുഖ്യമന്ത്രി പിണറായി വിജയനെതിരെ രൂക്ഷ വിമർശനം ഉന്നയിച്ചു. പാണക്കാട് സാദിഖലി ശിഹാബ് തങ്ങൾക്കെതിരായ മുഖ്യമന്ത്രിയുടെ പരാമർശത്തെ തുടർന്നാണ് ഷാജിയുടെ പ്രതികരണം. പിണറായി വിജയൻ സംഘിയാണെന്നും പാണക്കാട് തങ്ങളുടെ മേൽ കയറാൻ വന്നാൽ കൈയും കെട്ടി നോക്കിയിരിക്കില്ലെന്നും അദ്ദേഹം ഭീഷണി മുഴക്കി.
തെരഞ്ഞെടുപ്പ് പ്രചാരണ വേദിയിലായിരുന്നു കെ എം ഷാജിയുടെ പ്രസംഗം. ചൊറി വന്നവരൊക്കെ മാന്താൻ വേണ്ടി പാണക്കാട്ടേക്ക് വരുന്ന പ്രവണതയുണ്ടെന്നും തങ്ങൾ വെറുതെ കുത്തിയിരിക്കുകയാണെന്ന് ആരും വിചാരിക്കേണ്ടെന്നും അദ്ദേഹം പറഞ്ഞു. മെക്കിട്ട് കയറാൻ വന്നാൽ കളിക്കുന്നവന്റെ ട്രൗസർ അഴിക്കുമെന്നും ഇത് മുഖ്യമന്ത്രിയോട് മാത്രമല്ല പറയുന്നതെന്നും ഷാജി വ്യക്തമാക്കി.
സന്ദീപ് വാര്യർ പാണക്കാടെത്തി സാദിഖലി ശിഹാബ് തങ്ങളെ സന്ദർശിച്ചതിനു പിന്നാലെയായിരുന്നു മുഖ്യമന്ത്രിയുടെ വിമർശനം. സന്ദീപ് വാര്യരെ മഹാത്മാവായി ചിത്രീകരിക്കാൻ ശ്രമിക്കുകയാണെന്നും സാദിഖലി തങ്ങൾ ജമാഅത്തെ ഇസ്ലാമി അനുയായിയെ പോലെ പെരുമാറുന്നുവെന്നും മുഖ്യമന്ത്രി ആരോപിച്ചിരുന്നു. ഇതിനെതിരെയാണ് കെ എം ഷാജിയുടെ രൂക്ഷമായ പ്രതികരണം.
Story Highlights: Muslim League leader K M Shaji threatens CM Pinarayi Vijayan over remarks against Panakkad Thangal
