N Prashant IAS denies allegations in Unnathi file transfer controversy

ഉന്നതി ഫയൽ കൈമാറ്റ വിവാദത്തിൽ തനിക്കെതിരായ റിപ്പോർട്ട് വ്യാജമാണെന്ന് ഐഎഎസ് ഉദ്യോഗസ്ഥൻ എൻ. പ്രശാന്ത് വെളിപ്പെടുത്തി. ട്വന്റിഫോർ ജനകീയ കോടതിയിൽ പ്രതികരിക്കവേ, തനിക്കെതിരെ അന്യായ റിപ്പോർട്ടുണ്ടാക്കിയെന്നും അദ്ദേഹം പറഞ്ഞു. സസ്പെൻഷനിൽ തനിക്ക് വേദനയില്ലെന്നും, ഉന്നതിയുമായി ബന്ധപ്പെട്ട ഫയലുകൾ താൻ കൈമാറിയതിന് തെളിവുണ്ടെന്നും പ്രശാന്ത് വ്യക്തമാക്കി. സ്ക്രീൻ ഷോട്ട് പുറത്ത് വന്നതിൽ തനിക്ക് പങ്കില്ലെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എ. ജയതിലകുമായി വ്യക്തി വിരോധമില്ലെന്ന് പ്രശാന്ത് പറഞ്ഞു. ഫയലുകളെ കുറിച്ച് വ്യാജ റിപ്പോർട്ട് നൽകിയതിനാലാണ് താൻ ഇടപെട്ടതെന്നും, സർക്കാർ ഫയലുകളിൽ കൃത്രിമം കാണിക്കുന്നത് അനുവദിക്കാനാവില്ലെന്നും അദ്ദേഹം വ്യക്തമാക്കി. കീഴുദ്യോഗസ്ഥരുടെ മേൽ കുതിര കയറുന്ന ഒരുപാട് ഉദ്യോഗസ്ഥരുണ്ടെന്നും, താൻ ആ വിഭാഗത്തിൽ പെടില്ലെന്നും പ്രശാന്ത് പറഞ്ഞു. കൃത്യമായി ജോലിയെടുത്താണ് മുന്നോട്ട് പോകുന്നതെന്നും അദ്ദേഹം കൂട്ടിച്ചേർത്തു.

സാമൂഹിക മാധ്യമത്തിൽ മുൻ മന്ത്രി ജെ. മേഴ്സിക്കുട്ടിയ്ക്കെതിരായ കമന്റ് വേണ്ടായിരുന്നുവെന്ന് ഇപ്പോൾ തോന്നുന്നുവെന്നും പ്രശാന്ത് പറഞ്ഞു. സമൂഹമാധ്യമത്തിലിട്ട കമന്റിന്റെ പേരിൽ വിവാദ നായകനായ പ്രശാന്ത് സസ്പെൻഷന് ശേഷം ആദ്യമായി പങ്കെടുക്കുന്ന ടെലിവിഷൻ ഷോയെന്ന പ്രത്യേകത ജനകീയ കോടതിയ്ക്കുണ്ട്. ഐഎഎസ് തലപ്പത്ത് കുറച്ചുനാളുകളായി നീറിപ്പുകയുന്ന വിഷയങ്ങൾക്കൊടുവിലാണ് പ്രശാന്ത് ഉൾപ്പെടെ രണ്ട് ഉദ്യോഗസ്ഥർക്കെതിരെ സസ്പെൻഷൻ നടപടിയുണ്ടായത്.

നായ മൂത്രമൊഴിച്ചെന്ന് പറഞ്ഞതിന് അമ്മയെ കുത്തി 17 വയസ്സുകാരി; ഗുരുതര പരിക്ക്

Story Highlights: IAS officer N Prashant claims report against him in Unnathi file transfer controversy is fake

പേവിഷബാധയേറ്റ് പത്തനംതിട്ടയിൽ വീട്ടമ്മ മരിച്ചു