SYS Demands CM Retract Statement Against Panakkad Thangal

സമസ്തയുടെ യുവജന വിഭാഗമായ എസ് വൈഎസ് മുഖ്യമന്ത്രി പിണറായി വിജയന്റെ പ്രസ്താവനയ്ക്കെതിരെ രംഗത്തെത്തി. പാണക്കാട് സാദിഖ് അലി ശിഹാബ് തങ്ങൾക്കെതിരായ മുഖ്യമന്ത്രിയുടെ പ്രസ്താവന തള്ളിക്കളയണമെന്നാണ് എസ് വൈഎസിന്റെ ആവശ്യം. മുഖ്യമന്ത്രിയുടെ പ്രസ്താവന വർഗീയത നിറഞ്ഞ മനസ്സിൽ നിന്ന് വരുന്ന ദുർഗന്ധ വർത്തമാനമാണെന്നും വെറുപ്പ് ഉൽപാദിപ്പിക്കുന്നതാണെന്നും എസ് വൈഎസ് നേതാക്കൾ കുറ്റപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സന്ദീപ് വാര്യരുടെ പാണക്കാട് സന്ദർശനത്തിന് പിന്നാലെയാണ് മുഖ്യമന്ത്രിയുടെ വിമർശനം ഉയർന്നത്. സാദിഖലി തങ്ങൾ ജമാഅത്തെ ഇസ്ലാമി അനുയായിയെ പോലെ പെരുമാറുന്നു എന്നായിരുന്നു മുഖ്യമന്ത്രിയുടെ വിമർശനം. മുൻപ് പാണക്കാട് തങ്ങളെ എല്ലാവരും ബഹുമാനിക്കുകയും ആദരിക്കുകയും ചെയ്തിരുന്നുവെന്നും എന്നാൽ സാദിഖലി തങ്ങൾ അങ്ങനെയല്ലെന്നും മുഖ്യമന്ത്രി പറഞ്ഞിരുന്നു.

ഇന്ന് രാവിലെയായിരുന്നു സന്ദീപ് വാര്യർ പാണക്കാട് എത്തിയത്. ന്യൂനപക്ഷവിരുദ്ധ പ്രസ്താവനകളിൽ ഖേദപ്രകടനം നടത്തിയ സന്ദീപ് പാണക്കാട് കുടുംബത്തിനെ പുകഴ്ത്താനും മറന്നില്ല. സന്ദീപ് വാര്യർ ബിജെപി വിട്ടപ്പോൾ കൂട്ടക്കരച്ചിൽ ഇടതുപക്ഷത്തെന്ന് പി കെ കുഞ്ഞാലിക്കുട്ടി പ്രതികരിച്ചു. തങ്ങൾക്ക് എതിരായ മുഖ്യമന്ത്രിയുടെ പരാമർശം ഗതികേടിന്റെ അങ്ങേയറ്റമെന്നും അദ്ദേഹം കൂട്ടിച്ചേർത്തു.

ആന്റോയ്ക്ക് മറുപടിയുമായി മുരളീധരൻ; ആരോപണങ്ങളൊന്നും കേട്ടിട്ടില്ലെന്ന് പരിഹാസം

Story Highlights: SYS demands CM Pinarayi Vijayan retract statement against Panakkad Sadiq Ali Shihab Thangal

വന്യജീവി ആക്രമണം; മുഖ്യമന്ത്രി യോഗം വിളിക്കണം; സർക്കാരിനെതിരെ സണ്ണി ജോസഫ്