Kerala Fishermen's Committee Demands Pause on Seaplane Project

സീ പ്ലെയിൻ പദ്ധതി താത്കാലികമായി നിർത്തിവയ്ക്കണമെന്ന് മത്സ്യ തൊഴിലാളി കോർഡിനേഷൻ കമ്മിറ്റി ആവശ്യപ്പെട്ടു. സിഐടിയു, എഐടിയുസി നേതാക്കൾ അടക്കം പങ്കെടുത്ത യോഗത്തിലാണ് ഈ നിലപാട് വ്യക്തമാക്കിയത്. സർക്കാർ മത്സ്യ തൊഴിലാളി സംഘടനകളുമായി ചർച്ച നടത്തണമെന്നും, അതുവരെ പദ്ധതിയുമായി മുന്നോട്ട് പോകരുതെന്നും കമ്മിറ്റി ആവശ്യപ്പെട്ടു. പി പി ചിത്തരഞ്ചൻ, ടി എൻ പ്രതാപൻ തുടങ്ങിയ നേതാക്കൾ യോഗത്തിൽ പങ്കെടുത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മത്സ്യ തൊഴിലാളികളുടെ ആശങ്ക പരിഹരിക്കണമെന്നും, ഇതിനായി മുഖ്യമന്ത്രിക്ക് കത്ത് നൽകുമെന്നും കമ്മിറ്റി അംഗങ്ങൾ വ്യക്തമാക്കി. പദ്ധതി ഉപേക്ഷിക്കാൻ പറഞ്ഞിട്ടില്ലെന്നും, ചർച്ച വേണമെന്നാണ് ആവശ്യമെന്നും അവർ യോഗത്തിൽ വിശദീകരിച്ചു. മുമ്പ് സീ പ്ലെയിൻ പദ്ധതിക്കെതിരെ സമരം നടത്തിയത് ഈ കമ്മിറ്റിയുടെ നേതൃത്വത്തിലായിരുന്നു.

അതേസമയം, മന്ത്രി മുഹമ്മദ് റിയാസ് വ്യത്യസ്തമായ നിലപാടാണ് സ്വീകരിച്ചത്. കായലിൽ സീ പ്ലെയിൻ ഉപയോഗിക്കുന്ന ഘട്ടം വന്നാൽ ആദ്യം മത്സ്യ തൊഴിലാളികളുമായി ചർച്ച ചെയ്യുമെന്ന് അദ്ദേഹം വ്യക്തമാക്കി. നിലവിൽ ഡാമുകൾ കേന്ദ്രീകരിച്ചാണ് പദ്ധതി നടപ്പിലാക്കുന്നതെന്നും, അതിന് ആരും എതിരല്ലെന്നും മന്ത്രി അറിയിച്ചു. ഒരു തരത്തിലും ആർക്കും പ്രയാസമുണ്ടാകുന്ന സ്ഥിതിയില്ലെന്നും അദ്ദേഹം കൂട്ടിച്ചേർത്തു.

കോട്ടയം കുറിച്ചിയിൽ 80 വയസ്സുകാരിയുടെ വീട്ടിൽ പട്ടാപ്പകൽ കവർച്ച; മോഷ്ടാവ് വളകൾ കവരുന്നതിനിടെ കൈക്ക് പരിക്ക്

Story Highlights: Fishermen’s Coordination Committee demands temporary halt of seaplane project, calls for government discussions

ശബരിമലയിൽ തീർത്ഥാടന ഒരുക്കങ്ങൾ എങ്ങുമെത്തിയില്ല; അടിസ്ഥാന സൗകര്യങ്ങൾ പോലുമില്ലെന്ന് പരാതി