അജൈവ മാലിന്യ ശേഖരണത്തിനുള്ള യൂസർ ഫീ ഉയർത്താൻ ഹരിത കർമസേനയ്ക്ക് അനുമതി നൽകിയിരിക്കുകയാണ്. തദ്ദേശ വകുപ്പ് ഇതു സംബന്ധിച്ച മാർഗരേഖ പുതുക്കിയതായി അറിയിച്ചു. സ്ഥാപനങ്ങളിൽ നിന്നുള്ള മാലിന്യ ശേഖരണ നിരക്കാണ് ഉയർത്താൻ അനുമതി നൽകിയിരിക്കുന്നത്. എന്നാൽ വീടുകളിൽ നിന്നുള്ള മാലിന്യ ശേഖരണ നിരക്കിൽ മാറ്റമുണ്ടാകില്ല.
നിലവിൽ ഒരു ചാക്കിന് 100 രൂപയാണ് ഈടാക്കുന്നത്. ഒരു മാസത്തിലെ ആദ്യ അഞ്ച് ചാക്കിന് 100 രൂപയും, തുടർന്നുള്ള ഓരോ അധിക ചാക്കിനും പരമാവധി 100 രൂപ വരെ ഈടാക്കാവുന്നതാണ്. മാലിന്യത്തിന്റെ അളവിന് ആനുപാതികമായും പ്രദേശത്തിന്റെ പ്രത്യേകതകൾക്ക് അനുസരിച്ചും നിരക്ക് ഉയർത്താവുന്നതാണ്. എത്ര തുക ഈടാക്കണമെന്ന് തദ്ദേശ ഭരണ സമിതിക്ക് തീരുമാനിക്കാം.
ഈ തീരുമാനം മാലിന്യം ശേഖരിച്ച് ജീവിക്കുന്ന വനിതകൾക്ക് ആശ്വാസമാണ്. അവരുടെ ദീർഘനാളായുള്ള ആവശ്യമാണ് ഇപ്പോൾ അംഗീകരിക്കപ്പെട്ടിരിക്കുന്നത്. ഇത് ഹരിത കർമസേനയുടെ പ്രവർത്തനങ്ങൾക്ക് കൂടുതൽ ഊർജ്ജം പകരുമെന്ന് പ്രതീക്ഷിക്കുന്നു.
Story Highlights: Haritha Karma Sena authorized to increase user fee for non-organic waste collection from institutions
