V D Satheesan alleges CM's office interference in EP Jayarajan's book

ഇ പി ജയരാജന്റെ ആത്മകഥ വിവാദത്തില് ഗുരുതര ആരോപണവുമായി പ്രതിപക്ষ നേതാവ് വി ഡി സതീശന് രംഗത്തെത്തി. മുഖ്യമന്ത്രിയുടെ ഓഫീസ് ഈ വിഷയത്തില് ഇടപെട്ടുവെന്നാണ് അദ്ദേഹത്തിന്റെ പ്രധാന ആരോപണം. ഡി സി ബുക്സിന്റെ ഓഫീസിലേക്ക് മുഖ്യമന്ത്രിയുടെ ഓഫീസില് നിന്ന് വിളിച്ച് പുസ്തകം പ്രസിദ്ധീകരിക്കരുതെന്ന് നിര്ദ്ദേശിച്ചതായി സതീശന് പറഞ്ഞു. ഇല്ലായിരുന്നെങ്കില് പുസ്തകം ഇന്ന് ഉച്ചയ്ക്ക് പുറത്തു വന്നേനെയെന്നും അദ്ദേഹം കൂട്ടിച്ചേര്ത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രണ്ടാം പിണറായി സര്ക്കാരിനെ കുറിച്ചുള്ള അഭിപ്രായമാണ് ഇപി പറഞ്ഞതെന്ന് വി ഡി സതീശന് അഭിപ്രായപ്പെട്ടു. പാര്ട്ടി പ്രവര്ത്തകര്ക്കും ഇതേ അഭിപ്രായമാണെന്നും പാര്ട്ടിക്ക് അകത്ത് വലിയ എതിര്പ്പുണ്ടെന്നും അദ്ദേഹം ചൂണ്ടിക്കാട്ടി. ബിജെപിയില് സീറ്റ് ചോദിച്ച് പോയ ആളെ പാലക്കാട് എല്ഡിഎഫ് സ്ഥാനാര്ഥിയാക്കിയതില് സിപിഐഎമ്മില് കലാപമാണെന്ന് താന് നേരത്തെ പറഞ്ഞത് ശരിവയ്ക്കുന്നതാണിതെന്നും സതീശന് പറഞ്ഞു.

ഡിസി ബുക്സ് പോലുള്ള വിശ്വാസ്യതയുള്ള ഒരു പ്രസാധക സ്ഥാപനത്തിന് ആകാശത്ത് നിന്ന് ആത്മകഥ എഴുതാന് പറ്റുമോ എന്ന് വിഡി സതീശന് ചോദിച്ചു. അനുമതി ഇല്ലാതെ ഇപിയെ പോലുള്ള ഒരാളുടെ ആത്മകഥ ഡിസി എഴുതുമോ എന്നും അദ്ദേഹം ചോദ്യമുന്നയിച്ചു. ഇരുണ്ട് വെളുക്കും മുന്പ് മറു കണ്ടം ചാടിയ ആളെ പാലക്കാട് സ്ഥാനാര്ത്ഥിയാക്കിയത് പാലക്കാട് മാത്രമല്ല ചേലക്കരയില് കൂടി പാര്ട്ടിയുടെ വിജയ സാധ്യതയെ ബാധിക്കുമെന്നും സതീശന് അഭിപ്രായപ്പെട്ടു.

യൂത്ത് കോൺഗ്രസ് അധ്യക്ഷ സ്ഥാനത്ത് രാഹുൽ മാങ്കൂട്ടത്തിൽ രാജി വെച്ചേക്കും

Story Highlights: V D Satheesan alleges CM’s office interference in E P Jayarajan’s autobiography controversy

രാഹുലിനെതിരായ ആരോപണങ്ങളിൽ പ്രതികരണവുമായി വി.ഡി. സതീശൻ