LDF Convener T P Ramakrishnan Responds to E P Jayarajan's Book Controversy

ഇ പി ജയരാജന്റെ ആത്മകഥയുമായി ബന്ധപ്പെട്ട വിവാദത്തിൽ എൽഡിഎഫ് കൺവീനർ ടി പി രാമകൃഷ്ണൻ പ്രതികരിച്ചു. ഇ പി ജയരാജൻ ബോധപൂർവ്വം പ്രചാരവേല സൃഷ്ടിക്കുന്ന ആളല്ലെന്ന് അദ്ദേഹം പറഞ്ഞു. പുസ്തകത്തിൽ ഇ പി പറയാത്ത കാര്യങ്ങളുണ്ടെന്ന് പറയുന്നത് വലിയ ഗൂഢാലോചനയുടെ ഭാഗമാണെന്നും, പ്രകാശനം ഉൾപ്പെടെയുള്ള കാര്യങ്ങൾ വിശദമാക്കേണ്ടത് ഇ പി തന്നെയാണെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇ പി ജയരാജനെതിരെ ഉയർന്നുവന്ന ആരോപണങ്ങൾ കെട്ടിച്ചമച്ചതാണെന്ന് അദ്ദേഹം തന്നെ പറഞ്ഞതായി ടി പി രാമകൃഷ്ണൻ ചൂണ്ടിക്കാട്ടി. ആത്മകഥയിൽ വന്നതായി പറയുന്ന ചില പരാമർശങ്ങൾ ഇതുവരെയുള്ള എഴുത്തുകളിൽ ഇല്ലെന്ന് ഇ പി തന്നെ വ്യക്തമാക്കിയതായും അദ്ദേഹം പറഞ്ഞു. ഇത് മാനിപ്പുലേറ്റ് ചെയ്ത സംഭവമാണെന്നും, ഇ പിയുടെ വിശദീകരണത്തോടെ ഇത് അവസാനിക്കേണ്ടതാണെന്നും അദ്ദേഹം കൂട്ടിച്ചേർത്തു.

രണ്ടാം പിണറായി സർക്കാരിനെതിരെ ആഞ്ഞടിക്കുന്നതാണ് ഇ പി ജയരാജന്റെ ആത്മകഥയിലെ പരാമർശങ്ങൾ. പാർട്ടിയും സർക്കാരും തെറ്റുകൾ തിരുത്തണമെന്ന് ‘കട്ടൻ ചായയും പരിപ്പുവടയും ഒരു കമ്മ്യൂണിസ്റ്റിന്റെ ജീവിതം’ എന്ന ആത്മകഥയിൽ പറയുന്നു. എൽഡിഎഫ് കൺവീനർ സ്ഥാനത്തുനിന്ന് മാറ്റിയത് തന്റെ ഭാഗം കേൾക്കാതെയാണെന്നും, പ്രകാശ് ജാവഡേക്കറുമായുള്ള കൂടിക്കാഴ്ച ലോക്സഭാ തിരഞ്ഞെടുപ്പിന് മുമ്പ് ചർച്ചയാക്കിയതിന് പിന്നിൽ ഗൂഢാലോചനയുണ്ടെന്നും ആത്മകഥയിൽ പറയുന്നു. പരിപ്പുവടക്കും കട്ടൻ ചായയ്ക്കും ആരും എതിരല്ലെന്നും പാർട്ടി തീരുമാനം ആലോചിച്ച ശേഷം വ്യക്തമാക്കുമെന്നും ടി പി രാമകൃഷ്ണൻ കൂട്ടിച്ചേർത്തു.