DYFI Protests Against Suresh Gopi for Threatening Journalist

കേന്ദ്രമന്ത്രി സുരേഷ് ഗോപിയുടെ പത്രപ്രവർത്തകരോടുള്ള പെരുമാറ്റത്തിൽ ഡിവൈഎഫ്ഐ കടുത്ത പ്രതിഷേധം രേഖപ്പെടുത്തി. ട്വന്റിഫോർ ന്യൂസിലെ റിപ്പോർട്ടർ അലക്സ് റാം മുഹമ്മദിനെ ചോദ്യം ചോദിച്ചതിന് മന്ത്രി മുറിയിലേക്ക് വിളിച്ചുവരുത്തി ഭീഷണിപ്പെടുത്തിയ സംഭവമാണ് പ്രതിഷേധത്തിന് കാരണമായത്. പത്രപ്രവർത്തകർക്കെതിരെ നിരന്തരം ഭീഷണിയും അധിക്ഷേപവും കയ്യേറ്റവും തുടരുന്ന സുരേഷ് ഗോപിയുടെ നിലപാട് ഹീനവും പ്രതിഷേധാർഹവുമാണെന്ന് ഡിവൈഎഫ്ഐ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൊതു മണ്ഡലത്തിൽ അങ്ങേയറ്റം അപഹാസ്യനാകുന്ന സുരേഷ് ഗോപി കേരളീയ സമൂഹത്തിന് ഒരു ബാധ്യതയാണെന്നും ഡിവൈഎഫ്ഐ കൂട്ടിച്ചേർത്തു. മുൻപും പത്രപ്രവർത്തകർക്കെതിരെ ഇതുപോലെയുള്ള അധിക്ഷേപങ്ങളും കയ്യേറ്റങ്ങളും ഇദ്ദേഹം നടത്തിയിട്ടുണ്ടെന്നും, നേരത്തെ വനിതാ മാധ്യമപ്രവർത്തകയ്ക്കെതിരെ ഇദ്ദേഹം നടത്തിയ മോശമായ പെരുമാറ്റം കേരളം ചർച്ച ചെയ്തതാണെന്നും ഡിവൈഎഫ്ഐ ചൂണ്ടിക്കാട്ടി.

അങ്ങേയറ്റം നിലവാരമില്ലാത്തതും തീർത്തും അപലപനീയവുമായ പ്രവർത്തിയാണ് ഉന്നതമായ ഭരണഘടനാ പദവിയിലിരിക്കുന്ന സുരേഷ് ഗോപിയിൽ നിന്നും ഉണ്ടാവുന്നതെന്ന് ഡിവൈഎഫ്ഐ വിമർശിച്ചു. ഇദ്ദേഹത്തെ അടക്കി നിർത്താൻ പ്രധാനമന്ത്രി തയ്യാറാവണമെന്നും, സുരേഷ് ഗോപിയുടെ ഭീഷണി സിനിമയിൽ മതി, കേരളത്തിൽ അത് ചെലവാകില്ലെന്നും ഡിവൈഎഫ്ഐ സംസ്ഥാന സെക്രട്ടറിയേറ്റ് പ്രസ്താവനയിൽ വ്യക്തമാക്കി.

ധീരജിനെ കുത്തിയ കത്തിക്ക് പുഷ്പചക്രം; യൂത്ത് കോൺഗ്രസിന് കെ.കെ. രാഗേഷിന്റെ മുന്നറിയിപ്പ്

Story Highlights: DYFI protests against Union Minister Suresh Gopi for threatening journalist Alex Ram Muhammed

മുഖ്യമന്ത്രിയുടെ പ്രൈവറ്റ് സെക്രട്ടറിയായി എ.പ്രദീപ് കുമാർ; പ്രതികരണം ഇങ്ങനെ