Water Tank Collapse at Mattannur Cinema Injures Four Moviegoers

മട്ടന്നൂരിലെ സഹിന സിനിമാസില് ഗുരുതരമായ അപകടം സംഭവിച്ചു. സിനിമ പ്രദര്ശനം നടക്കുന്നതിനിടെ വാട്ടര് ടാങ്ക് തകര്ന്ന് വീണ് നാല് പേര്ക്ക് പരിക്കേറ്റു. ഇന്ന് വൈകിട്ട് 6.15 ഓടെയാണ് സംഭവം നടന്നത്. തിയേറ്ററിന്റെ ഒരു ഭാഗത്തെ കോണ്ക്രീറ്റ് റൂഫിന് മുകളിലുണ്ടായിരുന്ന വാട്ടര് ടാങ്ക് തകര്ന്നതോടെ റൂഫും തകര്ന്ന് താഴേക്ക് പതിക്കുകയായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പരിക്കേറ്റ നാല് പേരെയും ആശുപത്രിയിലേക്ക് മാറ്റി. ഒരാള്ക്ക് സാരമായ പരിക്കുണ്ട്. അപകടത്തെ തുടര്ന്ന് പ്രദേശത്ത് നാട്ടുകാര് പ്രതിഷേധിച്ചു. പരിക്കേറ്റയാളുകളെ തിയേറ്ററുമായി ബന്ധപ്പെട്ട ആരും തിരിഞ്ഞു നോക്കുന്നില്ല എന്ന് നാട്ടുകാര് ആരോപിച്ചു. അപകടം നടന്ന സ്ഥലത്തേക്ക് ആരെയും പ്രവേശിപ്പിക്കുന്നില്ലെന്നും അവര് പറഞ്ഞു.

എന്നാല് ഈ ആരോപണങ്ങള് തിയേറ്ററുമായി ബന്ധപ്പെട്ടവര് നിഷേധിച്ചു. ഉടമയും അദ്ദേഹത്തിന്റെ സഹോദരിയുമെല്ലാം പരിക്കേറ്റവര്ക്കൊപ്പമുണ്ടെന്ന് അവര് വ്യക്തമാക്കി. സംഭവത്തെക്കുറിച്ച് കൂടുതല് വിവരങ്ങള് പുറത്തുവന്നിട്ടില്ല. അധികൃതര് സ്ഥലത്തെത്തി പരിശോധന നടത്തിവരികയാണ്.

ഹയർ സെക്കൻഡറി അധ്യാപക സ്ഥലമാറ്റത്തിനും നിയമനത്തിനും ഓൺലൈൻ പോർട്ടൽ

Story Highlights: Water tank collapse at Mattannur Sahina Cinemas injures four during movie screening

സർക്കാരിന്റെ ലഹരി നയത്തിനെതിരെ കെ. മുരളീധരൻ