ചേലക്കര ഉപതെരഞ്ഞെടുപ്പിന്റെ അവസാന ഘട്ട പ്രചാരണത്തിന് മുഖ്യമന്ത്രി പിണറായി വിജയൻ നേതൃത്വം നൽകി. സർക്കാരിന്റെ വികസന പദ്ധതികളെക്കുറിച്ചും കേന്ദ്രസർക്കാരും യുഡിഎഫും നടത്തുന്ന സർക്കാർ വിരുദ്ധ പ്രചാരണങ്ങൾക്കുള്ള മറുപടിയും മുഖ്യമന്ത്രി പൊതുസമ്മേളനത്തിൽ പങ്കുവച്ചു. രണ്ടു ദിവസമായി ആറ് ഇടങ്ങളിൽ മുഖ്യമന്ത്രി പ്രവർത്തകരുമായി സംവദിക്കും.
ഇടതുപക്ഷ സ്ഥാനാർത്ഥി യു.ആർ. പ്രദീപ് കാരന്തൂർ മർക്കസിൽ എത്തി കാന്തപുരം എ.പി. അബൂബക്കർ മുസ്ല്യാരെ സന്ദർശിച്ചു. മുൻപ് മത്സരിച്ചപ്പോഴും അബൂബക്കർ മുസ്ല്യാരുടെ പിന്തുണ തേടിയിരുന്നതായും ചേലക്കരയിൽ എൽഡിഎഫ് മികച്ച വിജയം നേടുമെന്നും പ്രദീപ് പ്രതീക്ഷ പ്രകടിപ്പിച്ചു.
യുഡിഎഫ് ക്യാമ്പ് കുടുംബയോഗങ്ങളിൽ ശ്രദ്ധ കേന്ദ്രീകരിക്കുകയാണ്. കെ.സി. വേണുഗോപാലിന്റെ ആലപ്പുഴയിലെ വിജയത്തിനായി നടപ്പാക്കിയ കുടുംബയോഗത്തിന്റെ മാതൃകയാണ് ചേലക്കരയിൽ പരീക്ഷിക്കുന്നത്. ബിജെപിയും കോർണർ യോഗങ്ങളിൽ ശ്രദ്ധ കേന്ദ്രീകരിക്കുന്നുണ്ട്. പ്രചാരണം അവസാന ഘട്ടത്തിലേക്ക് എത്തിയതോടെ കൂടുതൽ നേതാക്കൾ മണ്ഡലത്തിൽ സജീവമാകുന്നുണ്ട്.
Story Highlights: Chief Minister Pinarayi Vijayan leads final phase of Chelakkara by-election campaign
