എൻഐടി കട്ടാങ്ങൽ പരിസരത്തെ വിദ്യാർത്ഥികളെയും യുവാക്കളെയും ലക്ഷ്യമിട്ട് ലഹരി വിൽപ്പന നടത്തുന്ന സംഘത്തിലെ പ്രധാന കണ്ണി പിടിയിലായി. ഓമശ്ശേരി സ്വദേശിയായ മൂലങ്ങൽ പുതൊടികയിൽ ഹൗസിൽ ആഷിക്ക് അലി (23) ആണ് അറസ്റ്റിലായത്. കോഴിക്കോട് കള്ളൻ തോട് ബസാറിന് സമീപത്ത് വച്ച് വിൽപ്പനയ്ക്കായി ലഹരിയുമായി വരുന്നതിനിടയിലാണ് പ്രതി പിടിയിലായത്.
നാർക്കോട്ടിക്ക് സെൽ അസിസ്റ്റന്റ് കമ്മീഷണർ കെ. എ ബോസിൻ്റെ നേതൃത്വത്തിലുള്ള ഡാൻസാഫ് ടീമും കുന്ദമംഗലം പൊലീസും സംയുക്തമായി നടത്തിയ നീക്കത്തിലാണ് പ്രതിയെ പിടികൂടിയത്. ഈ പ്രദേശത്തെ ലഹരി മാഫിയയുടെ പ്രവർത്തനങ്ള് തടയുന്നതിനായി പൊലീസ് സംഘം നിരന്തരം നിരീക്ഷണം നടത്തി വരികയായിരുന്നു.
ലഹരി വസ്തുക്കളുടെ വിതരണവും വിൽപ്പനയും തടയുന്നതിനായി പൊലീസ് കൂടുതൽ കർശന നടപടികൾ സ്വീകരിക്കുമെന്ന് അധികൃതർ അറിയിച്ചു. വിദ്യാഭ്യാസ സ്ഥാപനങ്ങൾക്ക് സമീപം ലഹരി വിൽപ്പന നടത്തുന്നവർക്കെതിരെ കടുത്ത നിയമ നടപടികൾ സ്വീകരിക്കുമെന്നും അവർ വ്യക്തമാക്കി.
Story Highlights: Major drug dealer targeting students near NIT Calicut arrested in Kerala
