BJP leaders quit party in Palakkad, leadership faces challenges

പാലക്കാട് ബിജെപിയിൽ നേതാക്കളുടെ കൊഴിഞ്ഞുപോക്ക് നേതൃത്വത്തിന് തലവേദനയായി മാറിയിരിക്കുകയാണ്. കർഷകമോർച്ച മുൻ ഷൊർണൂർ മണ്ഡലം പ്രസിഡന്റ് പി രാംകുമാർ പാർട്ടി വിട്ടതായി പ്രഖ്യാപിച്ചു. പാലക്കാട് സി കൃഷ്ണകുമാറിന്റെ സ്ഥാനാർത്ഥിത്വത്തോടുള്ള വിയോജിപ്പാണ് പാർട്ടി വിടാൻ കാരണമെന്ന് രാംകുമാർ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കോതകുർശ്ശി, തരുവക്കോണം പ്രദേശങ്ങളിൽ ബിജെപിയുടെ സജീവ പ്രവർത്തകനായിരുന്നു അദ്ദേഹം. നേരത്തെ പാലക്കാട് ബിജെപി മുൻ ജില്ലാ വൈസ് പ്രസിഡന്റും 2001-ൽ ഒറ്റപ്പാലം മണ്ഡലത്തിലെ സ്ഥാനാർത്ഥിയുമായിരുന്ന കെ പി മണികണ്ഠനും പാർട്ടി വിട്ടിരുന്നു.

ബിജെപി നേതൃത്വത്തിനും പാലക്കാട്ടെ ബിജെപി സ്ഥാനാർത്ഥി സി കൃഷ്ണകുമാറിനുമെതിരെ രൂക്ഷവിമർശനം ഉന്നയിച്ചാണ് മണികണ്ഠൻ പാർട്ടി വിട്ടത്. സി കൃഷ്ണകുമാർ ജില്ലാ പ്രസിഡന്റ് ആയിരുന്നപ്പോൾ വഴിവിട്ട പ്രവർത്തനങ്ങൾ നടത്തിയെന്നും പ്രവർത്തകരെ പാർട്ടി അവഗണിക്കുന്നുവെന്നും മണികണ്ഠൻ ആരോപിച്ചു.

— wp:paragraph –> അതേസമയം, ബിജെപി നേതൃത്വവുമായി ഇടഞ്ഞുനിൽക്കുന്ന സന്ദീപ് വാര്യരെ അനുനയിപ്പിക്കാൻ ആർഎസ്എസിന്റെ ശ്രമം തുടരുകയാണ്. ബിജെപി സംസ്ഥാന അധ്യക്ഷൻ കെ സുരേന്ദ്രനും പാലക്കാട്ടെ ബിജെപി സ്ഥാനാര്ത്ഥി സി കൃഷ്ണകുമാറിനുമെതിരെ സന്ദീപ് പരസ്യപ്രതികരണം നടത്തിയതിന് പിന്നാലെ, ആർഎസ്എസ് വിശേഷസമ്പർക്ക് പ്രമുഖ് എ ജയകുമാർ സന്ദീപിനെ വീട്ടിലെത്തി കണ്ടു. ചർച്ചയിൽ പ്രശ്നങ്ങൾക്ക് പരിഹാരമായെന്നാണ് റിപ്പോർട്ട്. ബിജെപിയിൽ നിന്ന് വിട്ടുപോകുമെന്ന് താൻ ഒരിക്കലും പറഞ്ഞിട്ടില്ലെന്ന് കൂടിക്കാഴ്ചയ്ക്ക് ശേഷം സന്ദീപ് വാര്യർ പ്രതികരിച്ചു.

അന്വറുമായി ചര്ച്ച വേണ്ട; നിലപാട് കടുപ്പിച്ച് കെ സി വേണുഗോപാൽ

Story Highlights: BJP leaders in Palakkad quit party over disagreements with leadership and candidate selection

പാലക്കാട് കൊഴിഞ്ഞാമ്പാറയിൽ കുഴിയിൽ വീണ് യുവതിക്ക് ദാരുണാന്ത്യം