പൂനെയിൽ ദീപാവലി ആഘോഷത്തിനിടെ കാറിടിച്ച് യുവാവ് മരിച്ചു; പ്രതി ഒളിവിൽ

പൂനെയിൽ ദീപാവലി ആഘോഷത്തിനിടെ ദാരുണമായ അപകടം സംഭവിച്ചു. പിമ്പിരി ചിഞ്ച് വാഡിൽ റോഡരികിൽ നിന്ന് പടക്കം പൊട്ടിക്കുന്നതിനിടെ അമിത വേഗത്തിലെത്തിയ കാറിടിച്ച് 35 കാരനായ സോഹം പട്ടേൽ എന്ന പൂനെ സ്വദേശി മരണപ്പെട്ടു. നിയന്ത്രണം വിട്ട കാർ ഇയാളെ ഇടിച്ചിട്ട ശേഷം നിർത്താതെ കടന്നുകളഞ്ഞു. ഗുരുതരമായി പരിക്കേറ്റ സോഹമിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവം നടന്ന് 48 മണിക്കൂർ കഴിഞ്ഞിട്ടും പ്രതിയെ കണ്ടെത്താൻ പൊലീസിന് കഴിഞ്ഞിട്ടില്ല. റാവത്ത് പൊലീസ് കേസെടുത്ത് അന്വേഷണം ഊർജ്ജിതമാക്കിയിട്ടുണ്ട്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഈ ദൃശ്യങ്ങളുടെ അടിസ്ഥാനത്തിലാണ് കാർ ഓടിച്ച ആൾക്കായുള്ള അന്വേഷണം നടക്കുന്നത്. ALSO READ; ശുചി മുറിക്കുള്ളിൽ മൃതദേഹം, ദുർഗന്ധം വരാതിരിക്കാൻ ചന്ദനത്തിരി; ചെന്നൈയിൽ 16കാരിയുടെ മരണത്തിൽ ദമ്പതികൾ അറസ്റ്റിൽ Story Highlights: 35-year-old man dies in Pune after being hit by speeding car while bursting crackers during Diwali celebrations