സംസ്ഥാനത്തെ സ്വർണവിലയിൽ തുടർച്ചയായ രണ്ടാം ദിവസവും കുറവ് രേഖപ്പെടുത്തി. ഇന്ന് ഒരു പവൻ സ്വർണത്തിന് 120 രൂപ കുറഞ്ഞ് 58,960 രൂപയാണ് വില. ഒരു ഗ്രാം സ്വർണത്തിന് 15 രൂപ കുറഞ്ഞ് 7370 രൂപയാണ് ഇന്ന് നൽകേണ്ടത്. കേരളപ്പിറവി ദിനമായ ഇന്നലെ പവന് 560 രൂപയും, ഗ്രാമിന് 70 രൂപയും കുറഞ്ഞിരുന്നു. സമീപകാലത്തെ ഏറ്റവും കുറഞ്ഞ നിരക്കായ 56,200 രൂപ ഒക്ടോബർ 10ന് രേഖപ്പെടുത്തിയിരുന്നു.
ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും. എന്നാൽ, രാജ്യാന്തര വിപണിയിൽ സ്വർണത്തിന് വില കുറഞ്ഞാൽ ഇന്ത്യയിൽ വില കുറയണമെന്ന് നിർബന്ധമില്ല.
രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങൾ ഇന്ത്യയിലെ സ്വർണവില നിശ്ചയിക്കുന്നതിൽ പ്രധാന പങ്കുവഹിക്കും. ഇന്ത്യയിലെ സ്വർണവിലയിൽ ഈ ഘടകങ്ങൾ സ്വാധീനം ചെലുത്തുന്നതിനാൽ, രാജ്യാന്തര വിപണിയിലെ വിലയിടിവ് എല്ലായ്പ്പോഴും ആഭ്യന്തര വിപണിയിൽ പ്രതിഫലിക്കണമെന്നില്ല. ഇത് സ്വർണവിലയിലെ പ്രാദേശിക വ്യത്യാസങ്ങൾക്കും കാരണമാകുന്നു.
Story Highlights: Gold prices in Kerala decrease for the second consecutive day, with one sovereign priced at Rs 58,960
