Sebastian Paul Reveals Congress Offered 25 Crore Bribe During UPA-I

ഒന്നാം യുപിഎ സർക്കാരിന്റെ കാലത്ത് കോൺഗ്രസിന് അനുകൂലമായ നിലപാട് എടുക്കാൻ തനിക്ക് 25 കോടി രൂപ വാഗ്ദാനം ചെയ്തിരുന്നെന്ന് മുൻ എം പി ഡോക്ടർ സെബാസ്റ്റ്യൻ പോൾ വെളിപ്പെടുത്തി. കേന്ദ്രമന്ത്രിയായിരുന്ന പ്രണബ് മുഖർജിയുടെ ദൂതന്മാർ തന്നെ സമീപിച്ചിരുന്നുവെന്നും അദ്ദേഹം പറഞ്ഞു. പാർലമെന്ററി കാര്യമന്ത്രി വയലാർ രവി ചോദിക്കാതെ തന്നെ ഇങ്ങോട്ട് ചോദിച്ച് രണ്ട് പേർ വന്നിരുന്നുവെന്നും സെബാസ്റ്റിയൻ പോൾ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിശ്വാസ വോട്ടെടുപ്പിൽ നിന്ന് വിട്ടുനിന്ന എംപിമാർക്ക് കോടികൾ ലഭിച്ചതായി സെബാസ്റ്റ്യൻ പോൾ വെളിപ്പെടുത്തി. ലക്ഷദ്വീപിൽ നിന്നുള്ള അന്നത്തെ ജനപ്രതിനിധി കൊച്ചിയിൽ എത്തിയപ്പോൾ ആശുപത്രിയിൽ പ്രവേശിപ്പിച്ചത് ഇത്തരം ഒരു ഡീലിന്റെ ഭാഗമാണെന്നും അദ്ദേഹം പറഞ്ഞു.

കേരളത്തിലെ രണ്ട് എംഎൽഎമാരെ വിലക്കെടുക്കാൻ ശ്രമങ്ങൾ നടന്നുവെന്ന വാർത്തകൾ കണ്ടതിനെ തുടർന്നാണ് തനിക്കുണ്ടായ അനുഭവം തുറന്നുപറഞ്ഞതെന്നും സെബാസ്റ്റ്യൻ പോൾ വ്യക്തമാക്കി. 2004ൽ എറണാകുളത്തുനിന്ന് ഇടത് സ്വതന്ത്ര എംപിയായാണ് സെബാസ്റ്റ്യൻ പോൾ ലോക്സഭയിലെത്തിയത്.

ജ്യോത്സ്യനെ കണ്ടാൽ എന്താണ് പ്രശ്നം? എ.കെ. ബാലന്റെ പ്രതികരണം ശ്രദ്ധേയമാകുന്നു

2008ൽ ഒന്നാം യുപിഎ സർക്കാരിന്റെ കാലത്താണ് കോഴ വാഗ്ദാനം ഉണ്ടായതെന്നും അന്ന് വിശ്വാസ വോട്ടെടുപ്പിൽ യുപിഎ സർക്കാർ വിജയിച്ചിരുന്നുവെന്നും അദ്ദേഹം പറഞ്ഞു. ചില ആദർശബിംബങ്ങൾ ഉടയുമെന്നും അദ്ദേഹം കൂട്ടിച്ചേർത്തു. Story Highlights: Former MP Sebastian Paul reveals Congress offered him 25 crore rupees for favorable stance during UPA-I government

കോഴിക്കോട് കോർപ്പറേഷനിൽ 25000 വ്യാജ വോട്ടുകളുണ്ടെന്ന് കോൺഗ്രസ്; ആരോപണം നിഷേധിച്ച് ഡെപ്യൂട്ടി മേയർ