Quick Commerce Growth Forces 2 Lakh Kirana Stores to Shut Down

ക്വിക് കൊമ്മേഴ്സ് സ്ഥാപനങ്ങളുടെ പ്രവർത്തനം ശക്തമാക്കിയതോടെ രാജ്യത്തെ പലചരക്ക് കടകൾ വലിയ തോതിൽ അടച്ചുപൂട്ടുന്നതായി റിപ്പോർട്ട്. ഓൾ ഇന്ത്യ കൺസ്യൂമർ പ്രൊഡക്ട്സ് ഡിസ്ട്രിബ്യൂട്ടേർസ് ഫെഡറേഷൻ്റെ കണക്കനുസരിച്ച് രണ്ട് ലക്ഷത്തോളം കടകളാണ് പ്രവർത്തനം നിർത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഉപഭോക്താക്കൾ അതിവേഗ ഡെലിവറി വാഗ്ദാനം ചെയ്യുന്ന ബ്ലിങ്കിറ്റ്, സെപ്റ്റോ പോലുള്ള ഓൺലൈൻ സംവിധാനങ്ങളെ കൂടുതൽ ആശ്രയിക്കുന്നതാണ് ഇതിന് കാരണമെന്ന് ഫെഡറേഷൻ ചൂണ്ടിക്കാട്ടുന്നു. മെട്രോ നഗരങ്ങളിലാണ് അടച്ചുപൂട്ടിയ കടകളുടെ 45 ശതമാനവും സ്ഥിതി ചെയ്യുന്നത്.

ടയർ 1 നഗരങ്ങളിൽ 30 ശതമാനവും ടയർ 2-3 നഗരങ്ങളിലായി 25 ശതമാനവും സ്റ്റോറുകൾ പ്രവർത്തനം നിർത്തി. ശരാശരി അഞ്ചര ലക്ഷം രൂപയുടെ കച്ചവടം നടന്ന 17 ലക്ഷത്തോളം കിരാന സ്റ്റോറുകളാണ് നഷ്ടം സഹിക്കാനാവാതെ പൂട്ടിപ്പോകുന്നത്.

ഓൺലൈൻ സ്റ്റോറുകൾ സാധനങ്ങൾ വളരെ കുറഞ്ഞ വിലയ്ക്ക് വിൽക്കുന്നതാണ് ഈ പ്രതിസന്ധിക്ക് കാരണമെന്ന് വ്യാപാരി സംഘടനകൾ ആരോപിക്കുന്നു. അതേസമയം, കോംപറ്റീഷൻ കമ്മീഷൻ ഓഫ് ഇന്ത്യ ഓൺലൈൻ ക്വിക് കൊമ്മേഴ്സ് കമ്പനികളുടെ പ്രവർത്തനം നിരീക്ഷിക്കുന്നുണ്ട്.

അഫ്ഗാനിസ്ഥാനെ ഇന്ത്യ ആക്രമിച്ചെന്ന പാക് വാദം തള്ളി താലിബാൻ; മറുപടിയുമായി അഫ്ഗാൻ പ്രതിരോധ മന്ത്രാലയം

നേരത്തെ ആമസോണിനും ഫ്ലിപ്കാർട്ടിനുമെതിരെ റിപ്പോർട്ട് പുറത്തിറക്കിയിരുന്നു. മാറിയ സാഹചര്യത്തിൽ, സൊമാറ്റോയുടെ ബ്ലിങ്കിറ്റ്, സ്വിഗിയുടെ ഇൻസ്റ്റമാർട്, സെപ്റ്റോ തുടങ്ങിയ സ്ഥാപനങ്ങൾക്കെതിരെ പുതിയ അന്വേഷണം ആവശ്യപ്പെട്ടിരിക്കുകയാണ് ഓൾ ഇന്ത്യ കൺസ്യൂമർ പ്രൊഡക്ട്സ് ഡിസ്ട്രിബ്യൂട്ടേർസ് ഫെഡറേഷൻ.

Story Highlights: Two lakh kirana stores forced to close as quick commerce thrives in India

സിംഗപ്പൂരിലും ഹോങ്കോങ്ങിലും കൊവിഡ് വ്യാപനം; ഇന്ത്യയിലെ സ്ഥിതി വിലയിരുത്തി കേന്ദ്രം