PP Divya's Secret Treatment Sparks Controversy in Kerala

പയ്യന്നൂരിലെ ഒരു ആശുപത്രിയില് പി പി ദിവ്യയ്ക്ക് രഹസ്യമായി ചികിത്സ നല്കിയെന്ന പരാതി ഉയര്ന്നിരിക്കുകയാണ്. ഇന്നലെ രാത്രിയാണ് ഈ സംഭവം നടന്നതെന്ന് പൊതുപ്രവര്ത്തകനായ കുളത്തൂര് ജയ് സിംഗ് ഡിജിപിക്ക് നല്കിയ പരാതിയില് പറയുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജാമ്യമില്ലാ വകുപ്പില് പ്രതിചേര്ക്കപ്പെട്ട് ഒളിവില് കഴിയുന്ന ആളാണെന്ന് അറിഞ്ഞിട്ടും ആശുപത്രി ജീവനക്കാരും ഡോക്ടറും പൊലീസിനെ അറിയിക്കാതെ ദിവ്യയെ ചികിത്സിച്ചു വിട്ടയച്ചെന്നും പരാതിയില് ആരോപിക്കുന്നു. ആശുപത്രി രേഖകളില് ചികിത്സാ തെളിവുകള് ഉണ്ടാകാതിരിക്കാന് ദിവ്യയുടെ പേരും മറ്റ് വിവരങ്ങളും ഉള്പ്പെടുത്തിയില്ലെന്നും, പൊലീസിലെ ചിലരുടെ ഒത്താശ പ്രതിക്ക് ലഭിച്ചുവെന്നും പരാതിയില് പറയുന്നു.

ഈ സാഹചര്യത്തില് ദിവ്യയെ ചികിത്സിച്ച ഡോക്ടര്ക്കെതിരെ കേസെടുക്കണമെന്നാണ് പരാതിക്കാരന്റെ ആവശ്യം. എന്നാല്, കണ്ണൂര് സിറ്റി പൊലീസ് കമ്മിഷണര് അജിത് കുമാര് ഈ ആരോപണങ്ങളോട് പ്രതികരിച്ചിട്ടുണ്ട്.

ദിവ്യ ഇക്കാലമത്രയും തങ്ങളുടെ നിരീക്ഷണത്തിലായിരുന്നുവെന്നും, അവര് കീഴടങ്ങാനെത്തിയപ്പോള് അന്വേഷണസംഘം കസ്റ്റഡിയില് എടുക്കുകയായിരുന്നുവെന്നും അദ്ദേഹം മാധ്യമങ്ങളോട് പറഞ്ഞു. എന്നാല് ദിവ്യയെ എവിടെ വച്ചാണ് കസ്റ്റഡിയിലെടുത്തതെന്ന് ഇപ്പോള് വെളിപ്പെടുത്താന് സാധിക്കില്ലെന്നും അദ്ദേഹം കൂട്ടിച്ചേര്ത്തു.

പൊലീസ് സേനയിലെ ക്രിമിനലുകളെ നിയന്ത്രിക്കാൻ മുഖ്യമന്ത്രി തയ്യാറാകണം: കെ.സി. വേണുഗോപാൽ

Story Highlights: PP Divya allegedly received secret medical treatment while in hiding, sparking controversy and police investigation

കെ.ടി. ജലീലിന് മനോനില തെറ്റി, ചികിത്സ നൽകണം; യൂത്ത് ലീഗ്