Priyanka Gandhi Counters NDA's False Propaganda in Wayanad

വയനാട്ടിൽ എൻഡിഎ കള്ള പ്രചരണം നടത്തുന്നുവെന്ന് കോൺഗ്രസ് സ്ഥാനാർത്ഥി പ്രിയങ്ക ഗാന്ധി ആരോപിച്ചു. സ്വത്ത് വിവരങ്ങൾ മറച്ചു വെച്ചിട്ടില്ലെന്നും സത്യവാങ്മൂലത്തിൽ പറഞ്ഞതെല്ലാം വസ്തുതയാണെന്നും അവർ വ്യക്തമാക്കി. നാമനിർദ്ദേശപത്രിക വരണാധികാരി സ്വീകരിച്ചിട്ടുണ്ടെന്നും പ്രിയങ്ക പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേന്ദ്രസർക്കാർ രാഹുൽ ഗാന്ധിയെ വേട്ടയാടിയെന്നും അദ്ദേഹത്തെ മോശമായി ചിത്രീകരിക്കാൻ സർവ്വസന്നാഹങ്ങളും ഉപയോഗിച്ചുവെന്നും പ്രിയങ്കഗാന്ധി ആരോപിച്ചു. എന്നാൽ കേന്ദ്രം ആക്രമിക്കുമ്പോഴും വയനാട്ടുകാർ ഒപ്പം നിന്നുവെന്നും വയനാട്ടുകാരുടെ സ്നേഹമാണ് തൻറെ സഹോദരന് ധൈര്യം നൽകിയതെന്നും അവർ കൂട്ടിച്ചേർത്തു. ശരിയായത് എന്താണോ അതിനുവേണ്ടി പോരാടുന്ന ചരിത്രമാണ് വയനാടിനുള്ളതെന്ന് പ്രിയങ്ക ഗാന്ധി പറഞ്ഞു.

പഴശ്ശിരാജയുടെ ഭൂമിയാണിതെന്നും ഐക്യത്തിന്റെയും സാഹോദര്യത്തിന്റെയും ഭൂമിയാണെന്നും അവർ കൂട്ടിച്ചേർത്തു. ഭരണഘടനയെ ബഹുമാനിക്കാത്ത സർക്കാരാണ് ബിജെപിയുടേതെന്നും ഭരണഘടന മൂല്യങ്ങൾ ദുർബലപ്പെടുത്തുകയും മനുഷ്യരെ വിഭജിക്കുകയും ചെയ്യുന്നുവെന്നും പ്രിയങ്ക വിമർശിച്ചു. ഇവിടെ കഷ്ടപ്പെടുന്നത് സാധാരണക്കാരാണെന്നും അംബാനിയും അദാനിയും അല്ലെന്നും അവർ ചൂണ്ടിക്കാട്ടി.

വയനാട്ടിലെ ജനങ്ങൾക്ക് ഫണ്ട് നൽകിയില്ലെന്നും നരേന്ദ്രമോദി പിന്നെ എന്തിനാണ് ഇവിടെ വന്നതെന്നും പ്രിയങ്ക ചോദിച്ചു. അർഹമായ ധനസഹായം പോലും നൽകുന്നില്ലെന്നും പ്രകൃതിദുരന്തങ്ങൾക്ക് നഷ്ടപരിഹാരം എന്നത് അവകാശമാണെന്നും അവർ പറഞ്ഞു. എത്ര ഭൂരിപക്ഷം നേടുമെന്ന മാധ്യമപ്രവർത്തകരുടെ ചോദ്യത്തിന് മറുപടിയായി, ഓരോ വോട്ടും തനിക്ക് ജനങ്ങളോടുള്ള ഉത്തരവാദിത്തമാണെന്നും അത് സ്നേഹത്തിൻറെയും വിശ്വാസത്തിന്റെയും പ്രതീകമാണെന്നും പ്രിയങ്ക ഗാന്ധി വ്യക്തമാക്കി.

ലീഗ് പാവങ്ങളെ പറ്റിക്കുന്നു; "കീടബാധയാകാൻ മടിയില്ലെന്ന്" കെ.ടി.ജലീൽ

Story Highlights: Priyanka Gandhi accuses NDA of false propaganda in Wayanad, defends asset disclosure and nomination acceptance

അമ്പലവയൽ ആനപ്പാറ പാലം അപകടാവസ്ഥയിൽ; അടിയന്തര അറ്റകുറ്റപ്പണി ആവശ്യപ്പെട്ട് നാട്ടുകാർ