CPIM Secretariat Criticizes NN Krishnadas's Anti-Media Remarks

മാധ്യമങ്ങൾക്കെതിരായ എൻഎൻ കൃഷ്ണദാസിന്റെ അധിക്ഷേപ പരാമർശത്തിൽ സിപിഐഎം സെക്രട്ടറിയേറ്റിൽ വിമർശനം ഉയർന്നു. തെരഞ്ഞെടുപ്പ് സമയത്ത് ഇത്തരം പരാമർശങ്ങൾ ഒഴിവാക്കേണ്ടതായിരുന്നുവെന്ന് നേതാക്കൾ അഭിപ്രായപ്പെട്ടു. കെ രാധാകൃഷ്ണൻ, പുത്തലത്ത് ദിനേശൻ, എ വിജയരാഘവൻ എന്നിങ്ങനെ മൂന്ന് പേർ സംസ്ഥാന സെക്രട്ടറിയേറ്റിൽ ഈ പ്രസ്താവനയ്ക്കെതിരെ രംഗത്തെത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ജാഗ്രത പാലിക്കണമെന്ന നിർദേശം കീഴ്ഘടകങ്ങളിൽ റിപ്പോർട്ട് ചെയ്യാനും നിർദേശമുണ്ട്. അതേസമയം, വിഷയത്തിൽ കെയു ഡബ്ല്യുജെ ഭാരവാഹികൾ സിപിഎം സംസ്ഥാന സെക്രട്ടറിയെ കണ്ട് പ്രതിഷേധം അറിയിച്ചു. സംസ്ഥാന കമ്മിറ്റിയുടെ പ്രതിഷേധക്കത്ത് കൈമാറി.

എൻ എൻ കൃഷ്ണദാസ് പരാമർശത്തിൽ ഉറച്ചുനിൽക്കുന്നു എന്ന് പറഞ്ഞ പശ്ചാത്തലത്തിലാണ് നടപടി. എന്നാൽ, എൻഎൻ കൃഷ്ണദാസ് തന്റെ പരാമർശത്തിൽ ഉറച്ചുനിൽക്കുകയാണെന്ന് വ്യക്തമാക്കി. ഇറച്ചിക്കടയിൽ കാത്തു നിൽക്കുന്ന പട്ടികളെ പോലെ ഷുക്കൂറിന്റെ വീടിന് മുന്നിൽ കാത്തുനിന്നവർ ലജ്ജിച്ച് തലതാഴ്ത്തണമെന്ന പരാമർശത്തിൽ താൻ ഉറച്ചുനിൽക്കുകയാണെന്ന് അദ്ദേഹം പറഞ്ഞു.

വയനാട്ടിൽ അനുസ്മരണ യോഗത്തിനിടെ സിപിഐഎം നേതാവ് കുഴഞ്ഞുവീണ് മരിച്ചു

മാധ്യമങ്ങൾക്ക് മുന്നിൽ പൊട്ടിത്തെറിച്ചത് ബോധപൂർവമാണെന്നും, അബ്ദുൾ ഷുക്കൂറിന്റെ പിണക്കം പാർട്ടി പരിഹരിക്കാനാകുന്ന പ്രശ്നം മാത്രമാണെന്നും അദ്ദേഹം കൂട്ടിച്ചേർത്തു. മാധ്യമങ്ങൾ അനാവശ്യ പ്രാധാന്യം നൽകിയതിനാലാണ് പൊട്ടിത്തെറിച്ച് സംസാരിക്കേണ്ടിവന്നതെന്നും എൻഎൻ കൃഷ്ണദാസ് വ്യക്തമാക്കി.

Story Highlights: NN Krishnadas’s controversial remarks against media criticized in CPIM Secretariat, but he stands firm on his statement

പിണറായി സര്ക്കാരിന്റേത് അഴിമതി ഭരണമെന്ന് രമേശ് ചെന്നിത്തല