Karat Razak to Join DMK After Meeting P V Anvar

കൊടുവള്ളി എംഎൽഎയും ഇടത് സഹയാത്രികനുമായിരുന്ന കാരാട്ട് റസാഖ് ഡിഎംകെയിലേക്ക് ചേരാൻ ഒരുങ്ങുന്നു. അടുത്തയാഴ്ച ഡിഎംകെയിൽ ചേരുമെന്നാണ് വിവരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ന് ചേലക്കരയിലെത്തിയ കാരാട്ട് റസാഖ് പി വി അൻവറുമായി കൂടിക്കാഴ്ച നടത്തി. താൻ ഉന്നയിച്ച കാര്യങ്ങൾ ശരിയാണെന്ന് കാരാട്ട് റസാക്കിന് ബോധ്യപ്പെട്ടെന്നും അദ്ദേഹം ആഗ്രഹിക്കുമ്പോൾ ഡിഎംകെയിലേക്ക് വരാമെന്നും പി വി അൻവറിന്റെ പ്രതികരണം.

കഴിഞ്ഞ തെരഞ്ഞെടുപ്പിൽ കൊടുവള്ളിയിൽ തനിക്ക് വേണ്ടത്ര പിന്തുണ സിപിഐഎമ്മിൽ നിന്നും കിട്ടിയില്ല എന്ന പരിഭവം പലതവണ പറഞ്ഞെങ്കിലും കടുത്ത നിലപാട് സ്വീകരിച്ചിരുന്നില്ല കാരാട്ട് റസാഖ്. എന്നാൽ ഇന്ന് ചേലക്കരയിൽ പി വി അൻവറുമായി കൂടിക്കാഴ്ച നടത്തിയ കാരാട്ട് റസാക്ക് സിപിഐഎമ്മിനെ വൈകാതെ മൊഴി ചൊല്ലും എന്ന സൂചന നൽകിയിട്ടുണ്ട്.

ഇടതുമുന്നണിയിൽ കൂട്ടപ്പൊരിച്ചിൽ നടത്തി അൻവർ പുറപ്പെട്ടു പോയപ്പോഴും താൻ എൽഡിഎഫിൽ തന്നെ തുടരും എന്ന് ആണയിട്ടയാളാണ് കാരാട്ട് റസാഖ്. മലബാർ കേന്ദ്രീകരിച്ച് ഡിഎംകെയിലേക്കുള്ള നേതാക്കളുടെ ഒഴുക്ക് കാരാട്ട് റസാക്കിൽ ഒതുങ്ങുമോ എന്ന് മാത്രം ഇനി അറിഞ്ഞാൽ മതി.

നിലമ്പൂരിലെ യുഡിഎഫ് വിജയം ആർക്കും കുറയ്ക്കാനാവില്ലെന്ന് ഷാഫി പറമ്പിൽ

Story Highlights: Karat Razak, former LDF ally and Koduvally MLA, set to join DMK party after meeting with P V Anvar

ടി കെ അഷ്റഫിനെ സസ്പെൻഡ് ചെയ്തതിൽ സർക്കാരിനെതിരെ ആഞ്ഞടിച്ച് പി കെ ഫിറോസ്