Thomas K Thomas MLA denies bribery allegations, accuses Antony Raju

തോമസ് കെ തോമസ് എംഎൽഎ തനിക്കെതിരായ കോഴ ആരോപണത്തിന് പിന്നിൽ ആന്റണി രാജുവാണെന്ന് ആരോപിച്ചു. 100 കോടി വാഗ്ദാനം ചെയ്ത് കൂടെ കൂട്ടാനുള്ള ആളുണ്ടോ ആന്റണി രാജുവെന്ന് അദ്ദേഹം ചോദിച്ചു. തന്റെ ജേഷ്ഠനെ തകർത്ത പോലെ തന്നെയും തകർക്കാൻ ശ്രമിക്കുന്നുവെന്നും മന്ത്രി സ്ഥാനം ചർച്ചയായപ്പോഴാണ് വീണ്ടും ആരോപണം ഉയർന്നതെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാർട്ടിയിൽ നിന്നുള്ള ഗൂഢാലോചന ഉണ്ടെങ്കിൽ അന്വേഷിക്കണമെന്നും താൻ ശരത്ത് പാവാറിനൊപ്പമാണെന്നും എൻസിപി നേതൃയോഗത്തിൽ ഇക്കാര്യം അറിയിച്ചിരുന്നുവെന്നും തോമസ് കെ തോമസ് പ്രതികരിച്ചു. ആന്റണി രാജുവിന് എന്തെങ്കിലും അജണ്ട കാണുമെന്നും അതിന് താനുമായി ബന്ധമില്ലെന്നും തോമസ് കെ തോമസ് പറഞ്ഞു. കോവൂര് കുഞ്ഞുമോന് തന്നെ നിഷേധിച്ച കാര്യമാണെന്നും കെട്ടിച്ചമച്ച വാര്ത്ത മാത്രമാണെന്നും അദ്ദേഹം വ്യക്തമാക്കി.

അജിത് പവാർ പക്ഷത്ത് ചേരാൻ 2 എംഎൽഎമാർക്ക് 100 കോടി വാഗ്ദാനം ചെയ്തെന്ന ആരോപണം തോമസ് കെ തോമസ് എംഎൽഎ നിഷേധിച്ചു. ആർക്കും പണം വാഗ്ദാനം ചെയ്തിട്ടില്ലെന്ന് അദ്ദേഹം കൂട്ടിച്ചേർത്തു. കോവൂര് കുഞ്ഞുമോന് ഈ ആരോപണം നിഷേധിച്ച് രംഗത്തുവന്നു.

പുതിയ ടീമിന് സ്വീകാര്യത: രാഹുൽ ഗാന്ധിയെ അഭിനന്ദിച്ച് സണ്ണി ജോസഫ്

വാസ്തവ വിരുദ്ധമായ വാര്ത്തയാണെന്നും ഇങ്ങനൊരു സംഭവം തന്റെ അറിവില് ഉണ്ടായിട്ടില്ലെന്നും ഒരു കൂടിക്കാഴ്ചയും നടത്തിയിട്ടില്ലെന്നും അദ്ദേഹം പറഞ്ഞു. യുഡിഎഫില് പോയിരുന്നെങ്കില് ഒരുപാട് സ്ഥാനങ്ങള് തനിക്ക് കിട്ടിയേനെയെന്നും എന്നാല് ചെങ്കൊടി പ്രസ്ഥാനത്തിലാണ് വിശ്വസിക്കുന്നതെന്നും അദ്ദേഹം കൂട്ടിച്ചേർത്തു. ഇക്കാര്യത്തില് സമഗ്രമായ അന്വേഷണം ഉണ്ടാകണമെന്നും കോവൂര് കുഞ്ഞുമോന് ആവശ്യപ്പെട്ടു.

Story Highlights: Thomas K Thomas MLA denies bribery allegations, accuses Antony Raju of conspiracy

മുഖ്യമന്ത്രിയുടെ പ്രൈവറ്റ് സെക്രട്ടറിയായി എ.പ്രദീപ് കുമാർ; പ്രതികരണം ഇങ്ങനെ