Kerala Government Cancels Keralayam Programme Amid Crisis

കേരള സർക്കാർ കേരളീയം പരിപാടി ഒഴിവാക്കാൻ തീരുമാനിച്ചു. വയനാട് ദുരന്തത്തിന്റെ പശ്ചാത്തലത്തിലും സംസ്ഥാനത്തിന്റെ കടുത്ത സാമ്പത്തിക പ്രതിസന്ധിയും കണക്കിലെടുത്താണ് ഈ തീരുമാനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ വർഷം നവംബർ ഒന്നു മുതൽ ഏഴ് വരെ നടത്തിയ പരിപാടി ഇക്കൊല്ലം ഡിസംബറിലും ജനുവരിയിലുമായി നടത്താനായിരുന്നു ആദ്യം തീരുമാനിച്ചിരുന്നത്. കേരളത്തെ ഒരു ബ്രാൻഡാക്കി മാറ്റുക, വികസന മാതൃകകൾ ലോകശ്രദ്ധയിലെത്തിക്കുക, നിക്ഷേപം ആകർഷിക്കുക എന്നീ ലക്ഷ്യങ്ങളോടെയാണ് വിവിധ വകുപ്പുകളുടെ ഏകോപനത്തിൽ കഴിഞ്ഞ വർഷം പരിപാടി സംഘടിപ്പിച്ചത്.

എന്നാൽ, സംസ്ഥാനത്തിന്റെ സാമ്പത്തിക പ്രതിസന്ധിയുടെ പശ്ചാത്തലത്തിൽ ഇത്രയധികം പണം ചെലവഴിച്ചുള്ള പരിപാടിക്കെതിരെ പ്രതിപക്ഷം ഉൾപ്പെടെ വ്യാപക വിമർശനം ഉയർന്നിരുന്നു. സ്പോൺസർഷിപ്പ് വഴിയാണ് പരിപാടി നടത്തുന്നതെന്ന് സർക്കാർ വിശദീകരിച്ചെങ്കിലും, ഒരു വർഷത്തോളം സ്പോൺസർഷിപ്പുമായി ബന്ധപ്പെട്ട വിവരങ്ങൾ പുറത്തുവിട്ടിരുന്നില്ല.

അടുത്തിടെയാണ് സ്പോൺസർഷിപ്പ് വഴി ലഭിച്ച തുകയെക്കുറിച്ച് മുഖ്യമന്ത്രി നിയമസഭയിൽ വ്യക്തമാക്കിയത്. ഇപ്പോൾ, വയനാട് ദുരന്തവും സാമ്പത്തിക പ്രതിസന്ധിയും കണക്കിലെടുത്ത് പരിപാടി ഒഴിവാക്കാനുള്ള തീരുമാനം സർക്കാർ കൈക്കൊണ്ടിരിക്കുകയാണ്.

കേരളത്തിൽ പാൽ വില വർധിപ്പിക്കില്ലെന്ന് മിൽമ

Story Highlights: Kerala government cancels Keralayam programme due to Wayanad disaster and financial crisis

ശ്രീനാഥ് ഭാസിക്കും ഷൈൻ ടോം ചാക്കോക്കും എക്സൈസ് നോട്ടീസ്