Priyanka Gandhi's Surprise Visit to Voter's Home in Wayanad

വയനാട്ടിലെ ഉപതെരഞ്ഞെടുപ്പിന് മുന്നോടിയായി പ്രിയങ്കാ ഗാന്ധി അപ്രതീക്ഷിതമായി ഒരു വോട്ടറുടെ വീട്ടിലെത്തി. കരുമാംകുളം ത്രേസ്യയുടെ വീട്ടിലാണ് പ്രിയങ്ക സന്ദർശനം നടത്തിയത്. ത്രേസ്യയുടെ വിമുക്ത ഭടനായ മകൻ പ്രിയങ്കയുടെ വാഹന വ്യൂഹം കണ്ട് കൈ കാണിച്ച് നിർത്തിയതോടെയാണ് ഈ സന്ദർശനം സാധ്യമായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ത്രേസ്യയോടും കുടുംബാംഗങ്ങളോടും സമയം ചെലവഴിച്ച് ചിത്രങ്ങളെടുത്ത ശേഷമാണ് പ്രിയങ്ക മടങ്ങിയത്. നാളെയാണ് പ്രിയങ്ക വയനാട് ഉപതെരഞ്ഞെടുപ്പിനായി നാമനിർദേശ പത്രിക സമർപ്പിക്കുന്നത്. സോണിയാ ഗാന്ധി, ഭർത്താവ് റോബർട്ട് വാദ്ര എന്നിവർക്കൊപ്പമാണ് പ്രിയങ്ക ഇന്ന് വയനാട്ടിലെത്തിയത്.

നാളെ രാഹുൽ ഗാന്ധിയും മല്ലികാർജുൻ ഖാർഗെയും എത്തും. കൽപ്പറ്റ നഗരത്തിൽ റോഡ് ഷോയോടെയാണ് പത്രിക സമർപ്പണം നടക്കുക. കഴിഞ്ഞ രണ്ട് തവണ രാഹുൽ ഗാന്ധി മത്സരിച്ചപ്പോഴും പ്രചാരണത്തിനായി പ്രിയങ്ക വയനാട്ടിലെത്തിയിരുന്നു.

വയനാടിന് സുപരിചിതയായ പ്രിയങ്കയെ ഏറ്റവും ഉയർന്ന ഭൂരിപക്ഷത്തിൽ വിജയിപ്പിക്കാനാണ് കോൺഗ്രസിന്റെ ശ്രമം. എട്ടര വർഷത്തിന് ശേഷമാണ് സോണിയ ഗാന്ധി തെരഞ്ഞെടുപ്പ് പ്രചാരണത്തിനായി കേരളത്തിലെത്തുന്നത്. പത്ത് ദിവസം പ്രചാരണത്തിന്റെ ഭാഗമായി പ്രിയങ്ക വയനാട്ടിലുണ്ടാകും.

ലീഗ് പാവങ്ങളെ പറ്റിക്കുന്നു; "കീടബാധയാകാൻ മടിയില്ലെന്ന്" കെ.ടി.ജലീൽ

Story Highlights: Priyanka Gandhi makes unexpected visit to voter’s house in Wayanad ahead of by-election

വയനാട്ടിലെ കള്ളവോട്ട് ആരോപണം: അനുരാഗ് ഠാക്കൂറിന് മറുപടിയുമായി നാട്ടുകാർ