ഖത്തറിലെ സംഗീത പ്രേമികൾക്ക് വൈവിധ്യമാർന്ന അനുഭവം സമ്മാനിക്കാൻ ഒരുങ്ങുകയാണ് ‘ഇൻടു ദി ബ്ലൂസ്’ എന്ന സംഗീത പരിപാടിയുടെ മൂന്നാം സീസൺ. ഒക്ടോബർ 31-ന് ഖത്തർ നാഷണൽ കൺവൻഷൻ സെന്ററിൽ (QNCC) നടക്കുന്ന ഈ പരിപാടിയിൽ പ്രശസ്ത കലാകാരന്മാർ അണിനിരക്കും.
ഗായകനും യുവനടനുമായ ശ്രീനാഥ് ഭാസി, ഗിറ്റാർ വിദഗ്ധൻ സ്റ്റീഫൻ ദേവസ്സി, നടനും ഗായകനുമായ സിദ്ധാർഥ് മേനോൻ, നടിയും നർത്തകിയുമായ സുചിത്ര നായർ, ചെണ്ട ഫ്യൂഷനുമായി ബ്രോ ഹൗസ് എന്നിവർ പരിപാടിയിൽ പങ്കെടുക്കും. ദി കാറ്റലിസ്റ്റ് അവതരിപ്പിക്കുന്ന സിറ്റി എക്സ്ചേഞ്ച് ഇൻടു ദി ബ്ലൂസ് മ കൾചർ പരിപാടിയിൽ മൂന്ന് ബാൻഡുകൾ അണിനിരക്കുന്നത് ഖത്തറിലെ കലാസ്വാദകർക്ക് പുത്തൻ അനുഭവമായിരിക്കുമെന്ന് ചലച്ചിത്ര നിർമാതാവ് ചന്ദ്രമോഹൻ പിള്ള പറഞ്ഞു.
പരിപാടിയുടെ ലോഗോ പ്രകാശനം ചന്ദ്രമോഹൻ പിള്ള നിർവഹിച്ചു. പോസ്റ്റർ പ്രകാശനം സിറ്റി എക്സ്ചേഞ്ച് ബിസിനസ് ഡവലപ്മെന്റ് മാനേജർ ലിതിൻ നിർവഹിച്ചു. ടിക്കറ്റിനായി 33736300 എന്ന നമ്പറിൽ വിളിക്കാവുന്നതാണ്.
Story Highlights: Into the Blues ‘Ma’ Culture event featuring diverse musical performances to be held on October 31 in Qatar
