ഇലോൺ മസ്‌കിന്‍റെ എഐ പ്ലാറ്റ്ഫോം ‘എക്സ് എഐ’ ഭാഷാധ്യാപകരെ തേടുന്നു. ചാറ്റ്ബോട്ടുകളെ വിവിധ ഭാഷകൾ പഠിപ്പിക്കാനാണ് ഈ നീക്കം. എഐ ട്യൂട്ടർ-ബൈലിംഗ്വൽ എന്ന തസ്തികയിലാണ് നിയമനം. ഹിന്ദി, ഫ്രഞ്ച്, ചൈനീസ്, അറബിക് എന്നീ ഭാഷകളിൽ ഏതെങ്കിലും ഒന്നും ഇംഗ്ലീഷും അറിഞ്ഞിരിക്കണം. മണിക്കൂറിൽ 5500 രൂപ വരെ വരുമാനം ലഭിക്കും.
ആറ് മാസത്തെ കരാർ ജോലിയാണിത്. വീട്ടിലിരുന്ന് ചെയ്യാവുന്നതും ലോകത്തെവിടെയുള്ളവർക്കും അപേക്ഷിക്കാവുന്നതുമാണ്. എന്നാൽ വർക് സെറ്റപ്പിന് അനുസരിച്ച് വരുമാനത്തിൽ വ്യത്യാസമുണ്ടാകും. തിരഞ്ഞെടുക്കപ്പെടുന്നവർ രണ്ട് ഭാഷകളിലും വായിക്കാനും എഴുതാനും കഴിവുള്ളവരായിരിക്കണം.
ഓരോ രാജ്യത്തേയും ടൈം സോണിലെ രാവിലെ 9 മുതൽ വൈകുന്നേരം 5 വരെയാണ് ജോലി സമയം. കമ്പനി നടത്തുന്ന പരീക്ഷകൾ വിജയിക്കുന്നവരെയാണ് തിരഞ്ഞെടുക്കുക. ഇത് ഒരു അപൂർവ്വ അവസരമാണ്, എഐ മേഖലയിൽ പ്രവേശിക്കാൻ ആഗ്രഹിക്കുന്നവർക്ക് മികച്ച അനുഭവം നേടാൻ കഴിയും.
Story Highlights: Elon Musk’s X AI platform seeks language tutors to teach chatbots various languages, offering up to 5500 rupees per hour.
