Qatar KMCC honors Malayalam writers at literary event

ഖത്തർ കെഎംസിസി കലാ-സാഹിത്യ-സാംസ്കാരിക വിഭാഗമായ സമീക്ഷ “പ്രതിഭകളോടൊപ്പം ഒരു സായാഹ്നം” എന്ന പരിപാടി സംഘടിപ്പിച്ചു. മലയാളത്തിന്റെ പ്രിയ എഴുത്തുകാരായ കൽപ്പറ്റ നാരായണൻ മാഷിനും പി കെ പാറക്കടവിനും കെഎംസിസി ഖത്തർ പ്രസിഡന്റ് ഡോ. അബ്ദുസ്സമദും മറ്റു ഭാരവാഹികളും ചേർന്ന് സംസ്ഥാന കമ്മിറ്റി ആസ്ഥാനത്ത് സ്വീകരണം നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമീക്ഷ ചെയർമാൻ മജീദ് നാദാപുരം അധ്യക്ഷത വഹിച്ച ചടങ്ങ് സ്റ്റേറ്റ് ജനറൽ സിക്രട്ടറി സലിം നാലകത്ത് ഉദഘാടനം നിർവ്വഹിച്ചു. കവിതയിലും കഥയിലും ഇരുവരും സ്വീകരിക്കുന്ന ചുരുക്കെഴുത്തിന്റെ ശൈലി പുതിയ കാലത്ത് ഏറെ സ്വീകാര്യതയേറുന്നുവെന്ന് അദ്ദേഹം പറഞ്ഞു. ഇരുവർക്കുമുള്ള സമീക്ഷയുടെ സ്നേഹോപഹാരവും അദ്ദേഹം നൽകി.

കെഎംസിസി ഖത്തർ സ്റ്റേറ്റ് ട്രഷറർ പി എസ് എം ഹുസൈൻ, ഉപദേശക സമിതി വൈസ് ചെയർമാൻ എസ് എ എം ബഷീർ, ഓഥേഴ്സ് ഫോറം അംഗം തൻസീം കുറ്റ്യാടി എന്നിവർ ആശംസകൾ നേർന്നു. കെഎംസിസി ഖത്തർ രാഷ്ട്രീയ പഠന ഗവേഷണ വിഭാഗം ധിഷണ സി. എച് ഓർമ്മ ദിനത്തിന്റെ ഭാഗമായി പുറത്തിറക്കിയ ബുള്ളറ്റിൻ ധിഷണ ഭാരവാഹികൾ ചേർന്ന് കൈമാറി.

സമീക്ഷ കൺവീനർ ഷെഫീർ വാടാനപ്പള്ളി സ്വാഗതവും വൈസ് ചെയർമാൻ ബഷീർ ചേറ്റുവ നന്ദിയും രേഖപ്പെടുത്തി. സമീക്ഷ വൈസ് ചെയർമാൻമാരായ വീരാൻ കോയ പൊന്നാനി, ഖാസിം അരിക്കുളം, അജ്മൽ ഏറനാട്, കൺവീനർമാരായ ഇബ്രാഹിം കല്ലിങ്ങൽ, സുഫൈൽ ആറ്റൂർ എന്നിവർ പരിപാടികൾ നിയന്ത്രിച്ചു.

Story Highlights: Qatar KMCC welcomed renowned Malayalam writers Kalpatta Narayanan and PK Parakkadav at a literary event.

കുവൈത്തിൽ പുതിയ വിസ നിയമങ്ങൾ പ്രാബല്യത്തിൽ; പ്രവാസികൾക്ക് കൂടുതൽ ആശ്വാസം