Kannur Collector's statement recorded in ADM Naveen Babu death case

കണ്ണൂര് ജില്ലാ കളക്ടര് അരുണ് കെ വിജയന്റെ മൊഴി എഡിഎം നവീന് ബാബുവിന്റെ മരണവുമായി ബന്ധപ്പെട്ട് പൊലീസ് രേഖപ്പെടുത്തി. ഇന്നലെ രാത്രിയാണ് മൊഴിയെടുത്തത്. പിപി ദിവ്യയെ യാത്രയയപ്പ് ചടങ്ങിലേക്ക് ക്ഷണിച്ചിരുന്നില്ലെന്ന് കളക്ടര് വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാല്, യാത്രയയപ്പിന് മുന്പ് ദിവ്യയുടെ ഫോണ് വന്നിട്ടുണ്ടെന്ന കാര്യം അദ്ദേഹം സ്ഥിരീകരിച്ചു. കോള് റെക്കോര്ഡ് അടക്കമുള്ള വിവരങ്ങള് അന്വേഷണ സംഘത്തെ അറിയിച്ചതായും കളക്ടര് പറഞ്ഞു. നവീന് ബാബുവിന്റെ ആത്മഹത്യയ്ക്ക് ശേഷം ദിവ്യയെ ബന്ധപ്പെട്ടിട്ടില്ലെന്നും, താന് അവധിക്ക് അപേക്ഷ നല്കിയിട്ടില്ലെന്നും കളക്ടര് വ്യക്തമാക്കി.

അവധിയും സ്ഥലം മാറ്റവുമായി ബന്ധപ്പെട്ട കാര്യങ്ങള് സര്ക്കാര് തീരുമാനിക്കേണ്ടതാണെന്നും, അവരുടെ തീരുമാനം അനുസരിച്ച് പ്രവര്ത്തിക്കുമെന്നും അദ്ദേഹം കൂട്ടിച്ചേര്ത്തു. നവീന് ബാബുവുമായി നല്ല ബന്ധമായിരുന്നു തനിക്കുണ്ടായിരുന്നതെന്നും കളക്ടര് വെളിപ്പെടുത്തി. അതേസമയം, നവീന് ബാബു കൈക്കൂലി വാങ്ങിയതിന് തെളിവില്ലെന്ന് റവന്യൂവകുപ്പിന്റെ അന്വേഷണത്തില് കണ്ടെത്തിയതായി സൂചനയുണ്ട്.

പാക് അധീന കശ്മീരിൽ സംഘർഷം; വെടിവെപ്പിൽ രണ്ട് മരണം, 22 പേർക്ക് പരിക്ക്

എഡിഎം നിയമപരമായ നടപടികളാണ് സ്വീകരിച്ചതെന്ന് ലാന്ഡ് റവന്യൂ ജോയിന്റ് കമ്മീഷണര് എ ഗീതയുടെ അന്വേഷണത്തില് വ്യക്തമായി. നവീന് ബാബു നിയമാനുസൃതം ഇടപെടുന്ന ഉദ്യോഗസ്ഥനാണെന്ന് സഹപ്രവര്ത്തകരും മൊഴി നല്കിയതായി റിപ്പോര്ട്ടുകളുണ്ട്.

Story Highlights: Kannur Collector Arun K Vijayan’s statement recorded by police in ADM Naveen Babu’s death case

കണ്ണൂരിൽ ബിജെപി നേതാവിന്റെ വീടിന് ബോംബെറിഞ്ഞ സംഭവം; സിപിഐഎം നേതാക്കളുടെ വീടുകൾക്ക് ബോംബെറിയുമെന്ന് ഭീഷണി