Taslima Nasreen appeals to Amit Shah for continued stay in India

ബംഗ്ലാദേശി എഴുത്തുകാരിയും അഭയാർത്ഥിയുമായ തസ്ലീമ നസ്രീൻ, കേന്ദ്ര ആഭ്യന്തര മന്ത്രി അമിത് ഷായോട് ഇന്ത്യയിൽ തുടർന്നും താമസിക്കാൻ അനുവദിക്കണമെന്ന് അഭ്യർത്ഥിച്ചു. കഴിഞ്ഞ ഇരുപത് വർഷമായി ഇന്ത്യയെ രണ്ടാമത്തെ വീടായി കാണുന്ന തസ്ലീമ, ഈ മഹത്തായ രാജ്യത്തെ താൻ സ്നേഹിക്കുന്നുവെന്നും പറഞ്ഞു. എന്നാൽ, 2022 ജൂലൈക്ക് ശേഷം തസ്ലിമയ്ക്ക് രാജ്യത്ത് ജീവിക്കാനുള്ള അനുമതി കേന്ദ്ര ആഭ്യന്തര മന്ത്രാലയം നൽകിയിരുന്നില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1994 മുതലാണ് തസ്ലിമ നസ്രിൻ ബംഗ്ലാദേശിന് പുറത്ത് താമസിക്കാൻ തുടങ്ങിയത്. മത തീവ്രവാദത്തെ തുറന്നെതിർത്ത അവർ സ്ത്രീപക്ഷ നിലപാട് ഉയർത്തിപ്പിടിച്ച പ്രമുഖ ബംഗ്ലാദേശി എഴുത്തുകാരിയായിരുന്നു. 1990 കളിൽ സ്വന്തം എഴുത്തുകളിലൂടെ ആഗോള തലത്തിൽ പ്രശസ്തയായ അവരുടെ ‘ലജ്ജ’ എന്ന നോവലും ആത്മകഥയായ ‘അമർ മെയേബല’യും ബംഗ്ലാദേശിൽ വിലക്കപ്പെട്ട പുസ്തകങ്ങളാണ്.

1992 ഡിസംബറിൽ ബാബ്റി മസ്ജിദ് തകർക്കപ്പെട്ടതിന് പിന്നാലെ ബംഗ്ലാദേശിൽ ഹിന്ദുക്കൾ നേരിടേണ്ടി വന്ന അതിക്രൂരമായ ആക്രമണങ്ങളും പീഡനങ്ങളും കൊള്ളയും തുറന്നുകാട്ടിയ പുസ്തകമായിരുന്നു ‘ലജ്ജ’. 1994 ൽ ബംഗ്ലാദേശ് വിട്ടോടിയ തസ്ലീമ, പത്ത് വർഷത്തോളം സ്വീഡൻ, ജർമ്മനി, ഫ്രാൻസ്, യുഎസ് എന്നീ രാജ്യങ്ങളിൽ താമസിച്ചു. 2004 ൽ കൊൽക്കത്തയിലെത്തിയ അവർ 2007 വരെ അവിടെ കഴിഞ്ഞു.

സിഎ ഫൈനൽ പരീക്ഷ ഇനി വർഷത്തിൽ മൂന്ന് തവണ

പിന്നീട് വെസ്റ്റ് ബംഗാളിൽ നിന്ന് ദില്ലിയിലേക്ക് താമസം മാറ്റേണ്ടി വന്നു, അവിടെ മൂന്ന് മാസത്തോളം വീട്ടുതടങ്കലിലായിരുന്നു. 2008 ൽ ഇന്ത്യ വിട്ട അവർ അമേരിക്കയിൽ താമസിച്ചെങ്കിലും അധികം വൈകാതെ തിരിച്ചെത്തി. ഇപ്പോൾ, ഇന്ത്യയിൽ തുടർന്നും താമസിക്കാനുള്ള അനുമതിക്കായി അവർ അഭ്യർത്ഥിക്കുകയാണ്.

Story Highlights: Exiled Bangladeshi author Taslima Nasreen appeals to Home Minister Amit Shah for continued stay in India

ഇറക്കുമതി തീരുവ പ്രഖ്യാപിച്ച് അമേരിക്ക; ഇന്ത്യയ്ക്ക് 26%