K K Rema criticizes Pinarayi government for Kerala's living conditions

കേരളത്തിലെ സാധാരണക്കാരുടെ ജീവിതം ദുസ്സഹമാക്കിയെന്ന് ആരോപിച്ച് ആര്. എം. പി നേതാവും വടകര എം. എല്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എയുമായ കെ. കെ രമ പിണറായി വിജയന് സര്ക്കാരിനെതിരെ രൂക്ഷ വിമര്ശനം ഉന്നയിച്ചു. ഖത്തറിലെ വടകര മണ്ഡലം യുഡിഎഫ് കമ്മിറ്റി സംഘടിപ്പിച്ച സ്വീകരണ പരിപാടിയില് സംസാരിക്കുകയായിരുന്നു അവര്. കേരളത്തിലെ ഭരണം മാഫിയ പ്രവര്ത്തനമായി മാറിയെന്നും പിണറായി വിജയന് സിപിഎം എന്ന പ്രസ്ഥാനത്തിന്റെ അന്ത്യം കുറിക്കുകയാണെന്നും രമ ആരോപിച്ചു.

സിപിഎം നേതാക്കള് അധികാരത്തിന്റെ ധാര്ഷ്ട്യത്തിലാണ് ജനങ്ങളോട് ഇടപെടുന്നതെന്ന് രമ കുറ്റപ്പെടുത്തി. നവീന് ബാബു എന്ന എഡിഎമ്മിനെ പരസ്യമായി അപമാനിച്ചതും അദ്ദേഹത്തിന്റെ ആത്മഹത്യയിലേക്ക് കാര്യങ്ങള് എത്തിയതും ഇതിന്റെ ഉദാഹരണമാണെന്ന് അവര് ചൂണ്ടിക്കാട്ടി. കണ്ണൂരിലെ ദുരൂഹ മരണങ്ങള് തെളിയാതെ കിടക്കുന്ന സാഹചര്യത്തില് നവീന് ബാബുവിന്റെ മരണം കൊലപാതകമല്ലെന്ന് പറയാനുള്ള തെളിവുകള് എന്താണെന്നും അവര് ചോദിച്ചു. ടി.

പി ചന്ദ്രശേഖരന്റെ കൊലപാതകം പിണറായിയുടെ കുഴിമാടം വരെ പിന്തുടരുമെന്ന് താന് നേരത്തെ പറഞ്ഞിരുന്നതായും അത് ഇപ്പോള് സംഭവിച്ചുകൊണ്ടിരിക്കുകയാണെന്നും രമ പറഞ്ഞു. സമാധാനപരമായി സംസ്ഥാനം ഭരിക്കാന് പിണറായിക്ക് കഴിയുന്നില്ലെന്നും എല്ലാ മേഖലകളിലും വിമര്ശനങ്ങള് നേരിടുകയാണെന്നും അവര് കൂട്ടിച്ചേര്ത്തു. വടകര മണ്ഡലത്തിലെ വികസന പ്രവര്ത്തനങ്ങളെക്കുറിച്ചും രമ വിശദീകരിച്ചു. മുന്കാല ജനപ്രതിനിധികളുടെ അനാസ്ഥ മൂലം പല ഫണ്ടുകളും ഉപയോഗിക്കാതെ കിടന്നിരുന്നുവെന്നും തനിക്ക് കഴിയാവുന്ന വിധത്തില് മണ്ഡലത്തിലേക്ക് വികസനം എത്തിക്കാന് ശ്രമിച്ചിട്ടുണ്ടെന്നും അവര് അവകാശപ്പെട്ടു.

ശബരിമലയിലെ സ്വർണക്കൊള്ള: ദേവസ്വം മന്ത്രി രാജിവെക്കണം; രാജീവ് ചന്ദ്രശേഖർ

Story Highlights: K K Rema MLA criticizes Pinarayi Vijayan government for making life difficult for common people in Kerala