Pothencode Newborn Burial: Police Rule Out Murder, Cite Ignorance

പോത്തൻകോട് നവജാതശിശുവിനെ കുഴിച്ചിട്ട നിലയിൽ കണ്ടെത്തിയ സംഭവം കൊലപാതകമല്ലെന്ന് പൊലീസ് വ്യക്തമാക്കി. മാസം തികയാതെ പ്രസവിച്ച കുഞ്ഞ് പ്രസവത്തിൽ തന്നെ മരിച്ചതായാണ് പൊലീസ് പറയുന്നത്. നേപ്പാൾ സ്വദേശികളായ അമൃതയും ഭർത്താവ് ഗണേഷും ബന്ധു നരേന്ദ്രനുമാണ് സംഭവത്തിൽ ഉൾപ്പെട്ടിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അജ്ഞത മൂലമാണ് മറവ് ചെയ്യുന്നതിന് മുമ്പ് ആരെയും അറിയിക്കാതിരുന്നതെന്ന് പോത്തൻകോട് പൊലീസ് വ്യക്തമാക്കി. കഴിഞ്ഞ ദിവസം നരേന്ദ്രൻ ജോലി ചെയ്യുന്ന ഫാം ഹൗസിലെത്തിയ അമൃതയും ഗണേഷും, നരേന്ദ്രനും ഗണേഷും പുറത്തുപോയപ്പോഴാണ് പ്രസവിച്ചത്. രാത്രി 8 മണിയോടെ നടന്ന സംഭവത്തിൽ, അമിത രക്തസ്രാവത്തെ തുടർന്ന് അമൃതയെ തിരുവനന്തപുരം എസ് സി ടി ആശുപത്രിയിൽ പ്രവേശിപ്പിച്ചു.

എന്നാൽ പ്രസവിച്ച കാര്യം ഡോക്ടർമാരോട് പറഞ്ഞില്ല. സംശയം തോന്നിയ ആശുപത്രി അധികൃതർ പോലീസിനെ വിവരം അറിയിച്ചതിനെ തുടർന്നാണ് കുഞ്ഞിനെ കുഴിച്ചിട്ട നിലയിൽ കണ്ടെത്തിയത്. വാവരയമ്പലത്ത് പ്രവർത്തിക്കുന്ന പുല്ലുവളർത്തൽ കേന്ദ്രത്തിലാണ് പൂർണവളർച്ചയെത്താത്ത പെൺകുട്ടിയുടെ മൃതദേഹം വെള്ളത്തുണിയിൽ പൊതിഞ്ഞ നിലയിൽ കണ്ടെത്തിയത്.

മകനൊപ്പം സ്കൂട്ടറിൽ സഞ്ചരിച്ച യുവാവിനു നേരെ ബിയർ കുപ്പി എറിഞ്ഞു; യുവാവിനും മകനും പരുക്ക്

അഞ്ചര മാസത്തിലായിരുന്നു പ്രസവമെന്നും, കുഞ്ഞ് പ്രസവത്തിൽ തന്നെ മരിച്ചതായും യുവതി പൊലീസിനോട് പറഞ്ഞു. നേപ്പാളിലെ ആചാരപ്രകാരം പൂർണവളർച്ചയെത്താതെ പ്രസവിക്കുന്ന കുട്ടികളെ കുഴിച്ചിടാറുണ്ടെന്നും അമൃത വ്യക്തമാക്കി. ഇരുവർക്കെതിരെയും പൊലീസ് കേസെടുക്കില്ലെന്നും, ജോലി തേടിയാണ് ഇവർ നേപ്പാളിൽ നിന്ന് തിരുവനന്തപുരത്ത് എത്തിയതെന്നും പൊലീസ് അറിയിച്ചു.

Story Highlights: Police clarify newborn burial incident in Pothencode not murder, citing premature birth and lack of awareness

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ