കൊച്ചിയിലെ ബോൾഗാട്ടി പാലസിൽ നടന്ന അലൻ വാക്കർ ഡിജെ ഷോയിൽ മൊബൈൽ ഫോണുകൾ കവർന്ന കേസിൽ മൂന്നുപേരെ കസ്റ്റഡിയിലെടുത്തു. ഡൽഹിയിൽ നിന്നാണ് കേരള പൊലീസ് അംഗങ്ങൾ ഇവരെ പിടികൂടിയത്. പ്രതികളിൽ നിന്ന് കാണാതായ 21 ഫോണുകളും കണ്ടെത്തി. ഇവയുടെ ഐഎംഇഐ നമ്പർ പരിശോധിച്ചുവരികയാണ്. നഷ്ടപ്പെട്ട ഫോണുകളുടെ ഐഎംഇഐ നമ്പർ പൊലീസിന്റെ കൈവശമുണ്ട്.
പതിനായിരത്തോളംപേർ പങ്കെടുത്ത ഈ മെഗാ ഡിജെ ഷോയിലാണ് മോഷണം നടന്നത്. ലക്ഷങ്ങൾ വിലവരുന്ന 36 ഫോണുകളാണ് പരിപാടിക്കിടെ കാണാതായത്, അതിൽ 21 എണ്ണം ഐഫോണുകളാണ്. 6000 രൂപയുടെ വിഐപി ടിക്കറ്റ് എടുത്ത് മുൻനിരയിലുണ്ടായിരുന്നവരുടെ ഫോണുകളാണ് പ്രതികൾ കവർന്നത്.
പ്രതികൾ രണ്ട് സംഘങ്ങളായി തിരിഞ്ഞാണ് പരിപാടിക്കിടെ മോഷണം നടത്തിയതെന്നാണ് പൊലീസിന്റെ നിഗമനം. നഷ്ടപ്പെട്ട ഫോണുകളുടെ ഐഡികൾ ട്രാക്ക് ചെയ്തതിന്റെ അടിസ്ഥാനത്തിലാണ് അന്വേഷണം ഉത്തരേന്ത്യയിലേക്ക് നീണ്ടത്. ഇതിലൂടെയാണ് പ്രതികളെ പിടികൂടാൻ സാധിച്ചത്.
Story Highlights: Three arrested for stealing mobile phones during Alan Walker DJ show in Kochi
