പി സരിന്റെ കോൺഗ്രസ് വിമർശനത്തിനെതിരെ രമേശ് ചെന്നിത്തലയും വി.ഡി. സതീശനും രംഗത്തെത്തി. സീറ്റ് ലഭിക്കാതിരുന്നപ്പോൾ കോൺഗ്രസിനെ തള്ളിപ്പറയുന്നുവെന്ന് ചെന്നിത്തല കുറ്റപ്പെടുത്തി. അധികാര ദുർമോഹത്തിന്റെ അവതാരമായി സരിൻ മാറിയെന്നും സിപിഐഎമ്മിന്റെ കോടാലിക്കൈയായി പ്രവർത്തിക്കുന്നുവെന്നും അദ്ദേഹം ആരോപിച്ചു. കോൺഗ്രസ് പോലെ അഭിപ്രായ സ്വാതന്ത്ര്യമുള്ള മറ്റൊരു പാർട്ടിയില്ലെന്നും സിപിഎമ്മിനെയും ബിജെപിയെയും നേരിടുമെന്നും ചെന്നിത്തല വ്യക്തമാക്കി.
പ്രതിപക്ഷ നേതാവ് വി.ഡി. സതീശൻ സരിനെതിരെ കടുത്ത വിമർശനമാണ് ഉന്നയിച്ചത്. സരിൻ ആദ്യം ബിജെപിയുമായി കൂടിക്കാഴ്ച നടത്തിയെന്നും, അവർ സ്ഥാനാർത്ഥിത്വം നിഷേധിച്ചപ്പോഴാണ് സിപിഐഎമ്മുമായി ചർച്ച നടത്തിയതെന്നും സതീശൻ ആരോപിച്ചു. സരിൻ പാർട്ടി വിടാൻ നിന്നിരുന്ന ആളായിരുന്നെന്നും അദ്ദേഹം പറഞ്ഞു.
സിപിഐഎമ്മിന്റെ അനുകൂല നിലപാടിനെ തുടർന്നാണ് സരിനെതിരെയുള്ള വിമർശനങ്ങൾ ശക്തമായത്. സരിൻ ഉന്നയിക്കുന്നത് മന്ത്രി എം.ബി. രാജേഷ് എഴുതി കൊടുത്ത വാദങ്ങളാണെന്ന് സതീശൻ കുറ്റപ്പെടുത്തി. കഴിഞ്ഞ നിയമസഭയിൽ സിപിഐഎം മന്ത്രിമാരും എംഎൽഎമാരും ഉന്നയിച്ച വിമർശനങ്ങളാണ് സരിൻ ആവർത്തിക്കുന്നതെന്നും, ഇതിന് സിപിഐഎമ്മിന് മറുപടി നൽകിയതാണെന്നും അദ്ദേഹം ചൂണ്ടിക്കാട്ടി.
Story Highlights: Ramesh Chennithala and VD Satheesan criticize P Sarin for his remarks against Congress after joining CPI(M)
