എഐസിസി സോഷ്യൽ മീഡിയ ക്യാംപെയ്നിങ് ഗ്രൂപ്പിൽ നിന്ന് പി സരിനെ പുറത്താക്കിയതായി റിപ്പോർട്ട്. കേരളത്തിലെ എഐസിസിയുമായി ബന്ധപ്പെട്ട സോഷ്യൽ മീഡിയ കാര്യങ്ങൾ കൈകാര്യം ചെയ്യുന്ന പ്രധാനപ്പെട്ട ഗ്രൂപ്പിൽ നിന്നാണ് സരിനെ നീക്കം ചെയ്തത്. ഗ്രൂപ്പ് അഡ്മിൻമാരിൽ ഒരാളായിരുന്ന സരിനെ മറ്റൊരംഗം വാട്സാപ്പ് ഗ്രൂപ്പിൽ നിന്ന് നീക്കം ചെയ്യുകയായിരുന്നു.
ഈ ഗ്രൂപ്പിൽ സരിൻ ഉൾപ്പെടെ നിരവധി അഡ്മിൻമാരും വിടി ബൽറാം ഉൾപ്പെടെയുള്ള നേതാക്കളും അംഗങ്ങളാണ്. എന്നാൽ, പി സരിൻ പാലക്കാട് ഇടത് സ്വതന്ത്രനായി മത്സരിക്കുമെന്ന റിപ്പോർട്ടുകളും പുറത്തുവന്നിട്ടുണ്ട്.
സിപിഐഎം സ്ഥാനാർത്ഥിയാവാൻ സരിൻ സമ്മതം മൂളിയെന്നാണ് വിവരം. സരിൻ സിപിഐഎം സ്ഥാനാർത്ഥിയാവുന്നതോടെ പാലക്കാട് മത്സരം കടുക്കുമെന്നും, എതിർ സ്ഥാനാർത്ഥിയായി രാഹുൽ മാങ്കൂട്ടത്തിലും എത്തുന്നതോടെ പാലക്കാട് വാശിയേറിയ പോരാട്ടം നടക്കുമെന്നും പ്രതീക്ഷിക്കപ്പെടുന്നു.
Story Highlights: P Sarin removed from AICC social media campaigning group amid reports of contesting as Left independent candidate in Palakkad
