ജിദ്ദ ആസ്ഥാനമായി പ്രവർത്തിക്കുന്ന ഗുഡ്‌വില്‍ ഗ്ലോബല്‍ ഇനിഷ്യേറ്റീവ് (ജിജിഐ) യുടെ പുതിയ ഭാരവാഹികളെ തിരഞ്ഞെടുത്തു. 2024-2026 വർഷത്തേക്കുള്ള പുതിയ കമ്മിറ്റിയിൽ ഹസന്‍ ചെറൂപ്പ പ്രസിഡന്‍റായും ഇസ്ഹാഖ് പൂണ്ടോളി ജനറല്‍ സെക്രട്ടറിയായും വീണ്ടും തെരഞ്ഞെടുക്കപ്പെട്ടു. ജലീല്‍ കണ്ണമംഗലമാണ് പുതിയ ട്രഷറര്‍. ‘മുസ്‌രിസ് ടു മക്ക’ അറബ് ഇന്ത്യന്‍ ചരിത്രസംഗമം, സൗദി ഇന്ത്യാ സാംസ്‌കാരികോത്സവം, ടാലന്‍റ് ലാബ് ശില്‍പശാല തുടങ്ങി നിരവധി നൂതന പരിപാടികൾക്ക് ജിജിഐ നേതൃത്വം നൽകുന്നു.
മറ്റു പ്രധാന ഭാരവാഹികളിൽ സാദിഖലി തുവ്വൂർ, നൗഫൽ പാലക്കോത്ത്, ചെറിയ മുഹമ്മദ് ആലുങ്ങൽ, അബു കട്ടുപ്പാറ എന്നിവർ വൈസ് പ്രസിഡന്‍റുമാരായും കബീർ കൊണ്ടോട്ടി, അൽ മുർത്തു, ഷിഫാസ്, ഹുസൈന്‍ കരിങ്കര എന്നിവർ സെക്രട്ടറിമാരായും തിരഞ്ഞെടുക്കപ്പെട്ടു. വനിതാ വിംഗിന്റെ കൺവീനറായി റഹ്‌മത്ത് ആലുങ്ങലും ജോയിന്റ് കൺവീനർമാരായി ജെസി ടീച്ചർ, ഫാത്തിമ തസ്‌നി ടീച്ചർ, നാസിറ സുൽഫി എന്നിവരും തിരഞ്ഞെടുക്കപ്പെട്ടു.
പുതിയ കമ്മിറ്റിയുടെ പ്രഥമ യോഗത്തിൽ പ്രസിഡന്റ് ഹസന്‍ ചെറൂപ്പ അധ്യക്ഷത വഹിച്ചു. ജനറൽ സെക്രട്ടറി ഇസ്ഹാഖ് പൂണ്ടോളി ദ്വൈവാർഷിക റിപ്പോർട്ടും ട്രഷറർ ഇബ്രാഹിം ശംനാട് ഫിനാൻഷ്യൽ റിപ്പോർട്ടും അവതരിപ്പിച്ചു. നവംബറിൽ സൗദി പശ്ചിമ മേഖലയിലെ സീനിയര്‍ ഇന്ത്യന്‍ സെക്കണ്ടറി സ്‌കൂള്‍ വിദ്യാര്‍ഥികള്‍ക്കായി ടാലെന്റ് ലാബ് സീസണ്‍ 3 ഏകദിന ശില്‍പശാല നടത്താനും ഒക്ടോബര്‍ അവസാനം ഈജിപ്തിലേക്ക് വിനോദ-വിജ്ഞാന യാത്ര സംഘടിപ്പിക്കാനും യോഗം തീരുമാനിച്ചു.
Story Highlights: Goodwill Global Initiative (GGI) elects new committee with Hassan Cheruppa as President and Ishaq Pundoli as General Secretary for 2024-2026
