Kerala CM responds to Governor's questions on gold smuggling case

സ്വർണക്കടത്തുമായി ബന്ധപ്പെട്ട മലപ്പുറം പരാമർശത്തിലുൾപ്പെടെ ഗവർണറുടെ ചോദ്യങ്ങൾക്ക് മറുപടിയുമായി മുഖ്യമന്ത്രി പിണറായി വിജയൻ കത്തയച്ചു. തനിക്ക് ഒന്നും മറയ്ക്കാനില്ലെന്നും സ്വർണക്കടത്ത് രാജ്യവിരുദ്ധ പ്രവർത്തനമാണെന്നും മുഖ്യമന്ത്രി കത്തിൽ വ്യക്തമാക്കി. മറുപടി നൽകാൻ വൈകിയെന്ന ഗവർണറുടെ ആരോപണം മുഖ്യമന്ത്രി തള്ളി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിയമസഭ പാസാക്കിയ ബില്ലുകൾ ഗവർണർ ഒപ്പിടാൻ വൈകുന്നത് ഓർമ്മപ്പെടുത്തിയാണ് മുഖ്യമന്ത്രി കത്തയച്ചത്. സർക്കാരിന് വിശ്വാസ്യതയില്ലെന്ന ഗവർണറുടെ വിമർശനങ്ങൾക്കും മുഖ്യമന്ത്രി മറുപടി നൽകി. വിശ്വാസ്യതയുടെ കാര്യത്തിൽ തനിക്കോ സർക്കാരിനോ യാതൊരു കുറവുമില്ലെന്ന് മുഖ്യമന്ത്രി തിരിച്ചടിച്ചു.

എന്നാൽ മുഖ്യമന്ത്രിയുടെ കത്ത് പരസ്പര വിരുദ്ധമാണെന്നായിരുന്നു ഗവർണറുടെ നിലപാട്. സ്വർണക്കടത്ത് രാജ്യത്തിനെതിരായ കുറ്റമാണെന്ന് കത്തിൽ പറയുന്നുണ്ടെന്നും ഗവർണർ ചൂണ്ടിക്കാട്ടി. സ്വർണക്കടത്ത് സംബന്ധിച്ച വിവരങ്ങൾ സർക്കാർ രാജ്ഭവനെ അറിയിക്കാത്തതിന് പിന്നിൽ മുഖ്യമന്ത്രിക്ക് എന്തോ ഒളിക്കാനുണ്ടെന്ന ആരോപണത്തിൽ ഗവർണർ ഉറച്ചുനിൽക്കുകയാണ്.

രാജ്യത്തിനെതിരായ കുറ്റകൃത്യങ്ങൾ നടക്കുമ്പോൾ അത് രാഷ്ട്രപതിയെ അറിയിക്കേണ്ടത് തന്റെ കടമയല്ലേ എന്നും ഗവർണർ ചോദിച്ചിരുന്നു. താൻ വിളിപ്പിച്ചിട്ടും എത്താത്ത ഡിജിപിയെയും ചീഫ് സെക്രട്ടറിയെയും രാജഭവനിലേക്ക് കടക്കുന്നത് ഗവർണർ വിലക്കിയിരുന്നു.

ഭരണഘടനയെ ബിജെപി അട്ടിമറിക്കുന്നു; തെരഞ്ഞെടുപ്പ് കമ്മീഷനെതിരെ യൂത്ത് കോൺഗ്രസ് പ്രതിഷേധം കടുപ്പിച്ച് രാഹുൽ മാങ്കൂട്ടത്തിൽ

Story Highlights: Kerala Chief Minister Pinarayi Vijayan responds to Governor’s questions on gold smuggling case

എംഎസ്എഫിനെതിരെ വിമർശനവുമായി കെഎസ്യു ജില്ലാ സെക്രട്ടറി മുബാസ്