Tripura: Husband kills wife, mother-in-law over Navaratri photos

നവരാത്രി പൂജ ആഘോഷങ്ങൾക്കിടെ പടിഞ്ഞാറൻ ത്രിപുരയിൽ ഞെട്ടിക്കുന്ന സംഭവമാണ് അരങ്ងേറിയത്. ഭാര്യ ആൺ സുഹൃത്തുക്കൾക്കൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവച്ചതിൽ പ്രകോപിതനായ ഭർത്താവ് ഭാര്യയേയും അമ്മായിയമ്മയേയും വെട്ടിക്കൊലപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഭവത്തിൽ 51 കാരനായ യുവതിയുടെ ഭർത്താവിനെ പൊലീസ് അറസ്റ്റു ചെയ്തു. കഴിഞ്ഞ ഒരു വർഷത്തിലേറെയായി ഇവർ വേർപിരിഞ്ഞ് കഴിയുകയായിരുന്നു.

രണ്ട് ആൺ മക്കൾക്കൊപ്പം മധുപൂരിലാണ് പ്രതി താമസിച്ചിരുന്നത്. അതേസമയം, പടിഞ്ഞാറൻ ത്രിപുരയിലെ നേതാജി നഗറിൽ അമ്മയോടൊപ്പമായിരുന്നു ഭാര്യയുടെ താമസം.

നവരാത്രി പൂജ ആഘോഷങ്ങൾക്കിടെ ഭാര്യ അവരുടെ രണ്ട് ആൺസുഹൃത്തുക്കൾക്കൊപ്പമുള്ള ചിത്രങ്ങൾ സോഷ്യൽ മീഡിയയിൽ പങ്കുവച്ചതോടെയാണ് ഭർത്താവ് കൊലപാതകത്തിന് പദ്ധതിയിട്ടതെന്ന് പൊലീസ് പറഞ്ഞു. ആക്രമണത്തെ തുടർന്ന് ഇരുവരും സംഭവസ്ഥലത്തു തന്നെ കൊല്ലപ്പെട്ടെന്ന് വെസ്റ്റ് ത്രിപുര എസ്പി കിരൺകുമാർ മാധ്യമ പ്രവർത്തകരോട് പറഞ്ഞു.

കേസിൽ ഒരു മണിക്കൂറിനുള്ളിൽ പ്രതിയെ പിടികൂടിയതായും എസ്പി അറിയിച്ചു. സംഭവവുമായി ബന്ധപ്പെട്ട് കൂടുതൽ അന്വേഷണം നടക്കുകയാണെന്നും പ്രതിയെ കോടതിയിൽ ഹാജരാക്കുമെന്നും പൊലീസ് വ്യക്തമാക്കി.

വാടാനപ്പള്ളിയിൽ മദ്യലഹരിയിൽ യുവാവിനെ സഹപ്രവർത്തകൻ കൊലപ്പെടുത്തി

Story Highlights: Husband kills wife and mother-in-law in Tripura after wife shares photos with male friends during Navaratri celebrations

വാടാനപ്പള്ളിയിൽ സഹപ്രവർത്തകനെ കൊലപ്പെടുത്തിയ കേസിൽ യുവാവ് അറസ്റ്റിൽ