Heavy Rain Alert in Kerala: Yellow Alert in 9 Districts

തെക്കൻ കേരളത്തിലും മധ്യകേരളത്തിലും മഴ കനത്തേക്കുമെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നൽകിയിരിക്കുന്നു. തിരുവനന്തപുരം, കൊല്ലം, ആലപ്പുഴ, തൃശ്ശൂർ, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് എന്നീ ഒൻപത് ജില്ലകളിൽ യെല്ലോ അലർട്ട് പ്രഖ്യാപിച്ചിരിക്കുന്നു. പത്തനംതിട്ട, കോട്ടയം, എറണാകുളം, ഇടുക്കി, പാലക്കാട് ജില്ലകൾ ഒഴികെയുള്ള പ്രദേശങ്ങളിലാണ് ഈ മുന്നറിയിപ്പ് നൽകിയിരിക്കുന്നത്. വിവിധ ഇടങ്ങളിൽ പെയ്ത ശക്തമായ മഴയിൽ നാശനഷ്ടങ്ങൾ ഉണ്ടായിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തിരുവനന്തപുരം വർക്കല ഹെലിപ്പാടിൽ കുന്നുകൾ ഇടിഞ്ഞു താണു. ജില്ലാ കളക്ടറുടെ നിർദ്ദേശത്തിന് വിരുദ്ധമായി വാഹനങ്ങൾ പാർക്ക് ചെയ്യുന്നതാണ് കുന്നിടിച്ചിലിന്റെ കാരണമെന്ന് നാട്ടുകാർ ആരോപിക്കുന്നു. മേഖലയിൽ അപകടമൊഴിവാക്കാൻ താൽക്കാലിക വിലക്കേർപ്പെടുത്തിയിരിക്കുകയാണ്. ഇടുക്കി പെരുന്താനത്ത് മണ്ണിടിച്ചിലിനെ തുടർന്ന് ഗതാഗതം തടസ്സപ്പെട്ടു.

കൊട്ടാരക്കര ഡിണ്ടിഗൽ ദേശീയപാതയിലാണ് മണ്ണിടിച്ചിലുണ്ടായത്. തിരുവനന്തപുരം കള്ളിക്കാട് കാളിപാറയ്ക്ക് സമീപം ജല അതോറിറ്റിയുടെ മതിൽ തകർന്ന് അടുത്ത വീട്ടിലേക്ക് പതിച്ചു. കുടുംബം രക്ഷപെട്ടത് തലനാരിഴയ്ക്കാണ്. പാച്ചല്ലൂരിൽ വീട് ഇടിഞ്ഞു വീണു.

സംസ്ഥാനത്ത് എലിപ്പനി വ്യാപനം രൂക്ഷം; 11 മാസത്തിനിടെ 356 മരണം

വട്ടപ്പാറ സ്വദേശി ഷിബുവിന്റെ വീടിന്റെ ഒരു ഭാഗമാണ് തകർന്നത്. വീട്ടിലുണ്ടായിരുന്ന ഷിബുവിന്റെ ഭാര്യ വസന്തകുമാരിക്ക് പരിക്കേറ്റു. വരും ദിവസങ്ങളിലും ശക്തമായ മഴയ്ക്കുള്ള സാധ്യതയാണ് കാലാവസ്ഥ വകുപ്പ് പ്രവചിക്കുന്നത്. കേരള, കര്ണാടക, ലക്ഷദ്വീപ് തീരങ്ങളില് മത്സ്യബന്ധനത്തിനുള്ള വിലക്ക് തുടരുകയാണ്.

Story Highlights: Heavy rain alert issued for nine districts in Kerala, causing landslides and damage

സ്വർണവിലയിൽ ഇടിവ്; പവന് 400 രൂപ കുറഞ്ഞു