Minister V Sivankutty criticizes Governor Arif Mohammad Khan

ഗവർണർ ആരിഫ് മുഹമ്മദ്ഖാനെതിരെ സിപിഐഎം പരസ്യ പോർമുഖം തുറന്നിരിക്കുകയാണ്. മന്ത്രി വി ശിവൻകുട്ടി ഗവർണറെ രൂക്ഷമായി വിമർശിച്ചു. കഴിഞ്ഞ അഞ്ചു വർഷമായി ഗവർണർ മുഖ്യമന്ത്രിയെ ആക്രമിക്കുകയാണെന്നും ബിജെപിയെ തൃപ്തിപ്പെടുത്താനാണ് ഇതെല്ലാം ചെയ്യുന്നതെന്നും അദ്ദേഹം ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കേരളം വിരട്ടിയാൽ വിരണ്ടുപോകുന്ന സംസ്ഥാനമല്ലെന്നും ഗവർണർ ബിജെപി നേതാക്കളുടെ പെട്ടി ചുമക്കുന്ന നിലയിലെത്തിയെന്നും മന്ത്രി കുറ്റപ്പെടുത്തി. ഉദ്യോഗസ്ഥരോട് രാജ്ഭവനിൽ കയറരുതെന്ന് പറയാൻ ഗവർണർക്ക് എന്ത് അധികാരമാണുള്ളതെന്ന് മന്ത്രി ചോദിച്ചു. ആവശ്യംവരുന്ന സമയത്ത് ഗവർണർ സർക്കാരുമായി കൂട്ടാകുമെന്നും അദ്ദേഹത്തിന് എന്ത് വേണമെങ്കിലും കൊടുക്കാമെന്നും വായടച്ച് ഇരുന്നാൽ മതിയെന്നും മന്ത്രി പരിഹസിച്ചു.

അതേസമയം, മലപ്പുറം പരാമർശം വിശദീകരിക്കാൻ ചീഫ് സെക്രട്ടറിയോടും പൊലീസ് മേധാവിയോടും രാജ്ഭവനിൽ എത്തണമെന്ന് ഗവർണർ ആവശ്യപ്പെട്ടിരുന്നു. എന്നാൽ സർക്കാറിനെ അറിയിക്കാതെ ഉദ്യോഗസ്ഥരെ ഗവർണർ വിളിച്ചുവരുത്തിയത് ഭരണഘടനാപരമായ തെറ്റാണെന്ന് ചൂണ്ടിക്കാട്ടി മുഖ്യമന്ത്രി പിണറായി വിജയൻ ഗവർണർക്ക് കത്തയച്ചിരുന്നു. ചീഫ് സെക്രട്ടറിയും ഡിജിപിയും രാജ്ഭവനിൽ ഹാജരാകാത്തതിനെതിരെ രൂക്ഷ വിമര്ശനമാണ് ഗവര്ണര് ഉന്നയിക്കുന്നത്.

സ്കൂൾ ആഘോഷങ്ങളിൽ ഇനി യൂണിഫോം വേണ്ട; മന്ത്രി വി. ശിവൻകുട്ടി പ്രഖ്യാപിച്ചു

എന്തോ ഒളിക്കാനുള്ളത് കൊണ്ടാണ് മുഖ്യമന്ത്രി ഉദ്യോഗസ്ഥരെ വിലക്കുന്നതെന്ന് ഗവര്ണര് ആരോപിക്കുന്നു. ഇനി അവർ രാജ്ഭവനിലേക്ക് വരേണ്ടെന്നും ആരിഫ് മുഹമ്മദ് ഖാന് പറഞ്ഞു.

Story Highlights: Minister V Sivankutty criticizes Governor Arif Mohammad Khan for attacking Chief Minister and pleasing BJP

എം.വി ഗോവിന്ദന്റെ നോട്ടീസിന് മറുപടി നൽകും; ഗുഡ്ബൈ പറയേണ്ടി വരുമെന്ന് ഷർഷാദ്