Missing 14-year-old from Kannur found in Kozhikode

കണ്ണൂരിൽ നിന്ന് കാണാതായ 14 വയസ്സുകാരനെ കോഴിക്കോട് നിന്ന് കണ്ടെത്തി. പരശുറാം എക്സ്പ്രസിൽ യാത്ര ചെയ്യുന്നതിനിടെയാണ് റെയിൽവേ പോലീസ് കുട്ടിയെ കണ്ടെത്തിയത്. തളിപ്പറമ്പ് പോലീസ് കുട്ടിയുമായി കണ്ണൂരിലേക്ക് പുറപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്നലെ വൈകിട്ടാണ് കുട്ടിയെ കാണാതായത്. സ്കൂൾ വിട്ട് വീട്ടിലെത്തിയില്ലെന്ന വീട്ടുകാരുടെ പരാതിയിൽ അന്വേഷണം നടന്നു വരികയായിരുന്നു. സ്കൂൾ യൂണിഫോമിലാണ് കുട്ടിയെ കാണാതായത്.

ഇതിനിടയ്ക്ക് കുട്ടി ഇൻസ്റ്റാഗ്രാം വഴി വീട്ടിലേക്ക് വീഡിയോ കോൾ ചെയ്തിരുന്നു. നാല് മണിക്കാണ് വിദ്യാർത്ഥി സ്കൂൾ വിട്ട് തിരികെ വീട്ടിൽ വരേണ്ടത്. കുട്ടി വൈകുന്നത് കണ്ട് സഹപാഠികളോടും മറ്റും അന്വേഷിച്ചിട്ടും വിവരമൊന്നും ലഭിക്കാതെ വന്നതോടെയാണ് വീട്ടുകാർ പൊലീസിൽ പരാതി നൽകിയത്.

അമ്മൂമ്മയുടെ വീട്ടിലേക്ക് പോകുന്നുവെന്ന് കുട്ടി കൂട്ടുകാരോട് പറഞ്ഞിരുന്നെങ്കിലും അവിടെ എത്തിയിരുന്നില്ല. സ്കൂളിൽ നിന്ന് രക്ഷിതാക്കളെ വിളിച്ചുകൊണ്ടുവരാൻ പറഞ്ഞതിൽ കുട്ടി വല്ലാതെ ആശങ്കയിലായിരുന്നെന്ന് കൂട്ടുകാർ പറഞ്ഞിരുന്നു.

അമീബിക് മസ്തിഷ്ക ജ്വരം: മരിച്ച കുട്ടിയുടെ സഹോദരനും രോഗലക്ഷണം, കോഴിക്കോട് മെഡിക്കൽ കോളേജിൽ പ്രവേശിപ്പിച്ചു

Story Highlights: 14-year-old boy missing from Kannur found in Kozhikode by Railway Police

അമീബിക് മസ്തിഷ്ക ജ്വരം: കോഴിക്കോട് മെഡിക്കൽ കോളേജിൽ നാല് പേർ ചികിത്സയിൽ, ആരോഗ്യ വകുപ്പ് ജാഗ്രതയിൽ