Kerala MVD Mandates Special Seat Belts for Children

കുട്ടികളുടെ സുരക്ഷ ഉറപ്പാക്കുന്നതിനായി മോട്ടോർ വാഹന വകുപ്പ് പുതിയ നിയമങ്ങൾ നടപ്പിലാക്കുന്നു. ഒന്ന് മുതൽ നാല് വയസുവരെയുള്ള കുട്ടികൾക്ക് പ്രത്യേക സീറ്റ് ബെൽറ്റ് നിർബന്ധമാക്കിയിരിക്കുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം സമൂഹ മാധ്യമങ്ങളിലൂടെ ഉൾപ്പെടെ ബോധവത്കരണം നടത്തുമെന്നും, അടുത്ത മാസം താക്കീത് നൽകുമെന്നും എംവിഡി അറിയിച്ചു. ഡിസംബർ മുതൽ സീറ്റ് ബെൽറ്റ് ഇല്ലെങ്കിൽ പിഴ ഈടാക്കുമെന്നും വ്യക്തമാക്കി.

നാല് വയസുവരെയുള്ള കുട്ടികൾക്ക് വാഹനത്തിന്റെ പിൻസീറ്റിൽ റീസ്ട്രെയിൻഡ് സീറ്റ് ബെൽറ്റ് സിസ്റ്റം സജ്ജമാക്കണമെന്ന് നിർദേശിച്ചിട്ടുണ്ട്. 4 വയസിന് മുകളിലും 14 വയസ് വരെയും 135 സെന്റീമീറ്റർ ഉയരത്തിൽ താഴെയുള്ള കുട്ടികൾ ചൈൽഡ് ബൂസ്റ്റർ കുഷ്യനിൽ സുരക്ഷാ ബെൽറ്റ് ഘടിപ്പിച്ച് ഇരിക്കണമെന്നും എംവിഡി നിർദേശിച്ചു.

ഇരുചക്ര വാഹനങ്ങളിൽ 4 വയസിന് മുകളിലുള്ള കുട്ടികൾക്ക് ഹെൽമറ്റ് നിർബന്ധമാക്കിയിട്ടുണ്ട്. കേന്ദ്ര മോട്ടോർ വാഹന നിയമത്തിലെ 138(3) വകുപ്പ് അനുസരിച്ച്, പാസഞ്ചർ വാഹനങ്ങളുടെ മുന്നിലേയും പിന്നിലേയും സീറ്റുകളിൽ യാത്ര ചെയ്യുന്നവർ സീറ്റ് ബെൽറ്റ് ധരിക്കണമെന്ന് നിഷ്കർഷിച്ചിട്ടുണ്ട്.

ശബരിമല സ്വർണപാളി വിവാദം: 2019-ലെ ഫോട്ടോ താരതമ്യം ചെയ്യാൻ ഹൈക്കോടതിയുടെ അനുമതി

ഇത് പാലിക്കാത്തവരിൽ നിന്ന് 1000 രൂപ വരെ പിഴ ഈടാക്കാനും സാധിക്കും. ഈ നിയമങ്ങൾ കുട്ടികളുടെ സുരക്ഷ ഉറപ്പാക്കുന്നതിനും റോഡ് അപകടങ്ങൾ കുറയ്ക്കുന്നതിനും സഹായകമാകുമെന്ന് പ്രതീക്ഷിക്കുന്നു.

Story Highlights: Motor Vehicle Department mandates special seat belts for children aged 1-4 years, with fines from December.

സ്വർണവിലയിൽ ഉച്ചയോടെ ഇടിവ്; ഒരു പവൻ സ്വർണത്തിന്റെ ഇന്നത്തെ വില അറിയാം