Kerala ATM Robbery: Police Deductions Prove Correct, Haryana Gang Caught

കേരള പൊലീസിന്റെ നിഗമനങ്ങൾ ശരിയാവുകയാണ് നാടിനെ നടുക്കിയ എടിഎം കവർച്ച സംഘം പിടിയിലാവുമ്പോൾ. തൃശൂർ നഗരത്തിന് സമീപത്തെ മൂന്ന് എടിഎമ്മുകളിൽ നിന്നായി 65 ലക്ഷം രൂപയാണ് മുഖം മൂടി ധരിച്ച് കാറിലെത്തിയ സംഘം കവർന്നത്. എടിഎമ്മിലെ ക്യാമറകളിൽ സ്പ്രേ അടിച്ച് കാഴ്ച തടസ്സപ്പെടുത്തിയായിരുന്നു കവർച്ച.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സമീപത്തുള്ള സിസിടിവി ക്യാമറകളിൽ നിന്നാണ് മുഖം മൂടി സംഘമാണ് കവർച്ചയ്ക്ക് പിന്നിലെന്ന് പൊലീസ് തിരിച്ചറിഞ്ഞത്. കൃത്യമായ പ്ലാനുമായി എത്തിയ കേരളത്തിനുള്ള പുറത്തുള്ള സംഘമാണ് കൊള്ളക്ക് പിന്നിലെന്ന് ക്രൈം സീൻ പരിശോധിച്ചതിന് പിന്നാലെ കേരള പൊലീസ് ഉറപ്പിച്ചിരുന്നു. ഇത്ര വലിയൊരു കുറ്റകൃത്യത്തിന് ശേഷം പ്രതികൾ സംസ്ഥാനം വിടാനാണ് സാധ്യതയെന്നും പൊലീസ് മനസ്സിലാക്കി.

അതിന്റെ അടിസ്ഥാനത്തിലാണ് സമീപ സംസ്ഥാനങ്ങളിലേക്ക് ജാഗ്രത നിർദേശം നൽകിയത്. കേരള പൊലീസിന്റെ സന്ദർഭോചിതമായ ഇടപെടലാണ് പ്രതികളെ തമിഴ് നാട് പൊലീസിന്റെ കൈകളിലേക്കെത്തിയത്. മണ്ണുത്തി ദേശിയ പാതയിൽ നിർത്തിയിട്ട കണ്ടൈനറിലേക്ക് കവർച്ചയ്ക്ക് ഉപയോഗിച്ച കാർ ഓടിച്ച് കയറ്റിയാണ് പ്രതികൾ കേരളം വിട്ടത്.

കേരളം വിട്ട പ്രതികളുടെ വാഹനം തമിഴ്നാട് സന്യാസി പാളയത്തിന് സമീപത്ത് വെച്ച് വാഹനങ്ങളുമായി അപകടമുണ്ടാവുന്നിടത്താണ് പ്രതികളുടെ പ്ലാനുകൾ പൊളിയുന്നത്. അപകടത്തിന് ശേഷം നിർത്താതെ പോയ വാഹനത്തെ പിന്തുടർന്നതോടെ പ്രതികൾ പൊലീസിനെ അക്രമിക്കുകയായിരുന്നു. ഏറ്റുമുട്ടിലിന് ശേഷമാണ് തമിഴ്നാട് പൊലീസ് പ്രതികളെ പിടികൂടിയത്.

ഓപ്പറേഷൻ ഡി-ഡാഡിന്റെ വിജയം: 775 കുട്ടികൾക്ക് ഡിജിറ്റൽ അഡിക്ഷനിൽ നിന്ന് മോചനം

പ്രതികൾ സഞ്ചരിച്ച കണ്ടൈനറിൽ നിന്ന് കൊള്ളക്ക് ഉപയോഗിച്ച കാറും പണവും ആയുധങ്ങളും കണ്ടെടുത്തിട്ടുണ്ട്.

Story Highlights: Kerala Police’s deductions prove correct as ATM robbery gang from Haryana is caught within hours in Tamil Nadu.