Man Arrested for Dumping Toilet Waste in Muvattupuzha, Kerala

കൊച്ചി: മൂവാറ്റുപുഴ ഈസ്റ്റ് മാറാടിയിൽ രാത്രിയുടെ മറവിൽ ശുചിമുറി മാലിന്യം തള്ളിയ സംഭവത്തിൽ ഒരാളെ പോലീസ് അറസ്റ്റ് ചെയ്തു. ചേർത്തല പൂച്ചാക്കൽ സ്വദേശി ശങ്കർദാസ് (27) ആണ് മൂവാറ്റുപുഴ പോലീസിന്റെ പിടിയിലായത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മാലിന്യം തള്ളാൻ ഉപയോഗിച്ച ലോറിയും പോലീസ് പിടിച്ചെടുത്തു. എം സി റോഡിൽ ഈസ്റ്റ് മാറാടി കെഎസ്ഇബി സബ് സ്റ്റേഷൻ പടിയിലാണ് കഴിഞ്ഞ രാത്രിയിൽ ടൺ കണക്കിന് ശുചിമുറി മാലിന്യം തള്ളിയത്.

സി സി ടി വി ദൃശ്യങ്ങൾ പരിശോധിച്ചാണ് മാലിന്യം തള്ളിയ ടാങ്കർ ലോറി പോലീസ് കണ്ടെത്തിയത്. ഈ സംഭവം പരിസര മലിനീകരണത്തിനും ആരോഗ്യ പ്രശ്നങ്ങൾക്കും കാരണമാകുമെന്ന് പ്രദേശവാസികൾ ആശങ്ക പ്രകടിപ്പിച്ചു.