കേരള അസോസിയേഷൻ ഓഫ് പ്രൊഫഷണൽ സോഷ്യൽ വർക്കേഴ്സ് (ക്യാപ്സ്) വാർഷിക ജനറൽ ബോഡി യോഗം കോട്ടയം ബി.സി.എം കോളേജിൽ നടന്നു. യോഗത്തിൽ പ്രഫഷണല്‍ സാമൂഹ്യപ്രവർത്തകരുടെ സേവന വേതന വ്യവസ്ഥകൾ സമഗ്രമായി പഠിച്ച് റിപ്പോർട്ട് തയ്യാറാക്കാന്‍ കമ്മീഷനെ നിയമിക്കണമെന്ന് സർക്കാരിനോട് ആവശ്യപ്പെട്ടു.
ഡോ.എം.പി ആന്റണി അധ്യക്ഷത വഹിച്ച യോഗത്തിൽ ജനറൽ സെക്രട്ടറി എം.ബി ദിലീപ് കുമാർ വാർഷിക റിപ്പോർട്ടും ഡോ. ഫ്രാൻസിന സേവ്യർ വാർഷിക കണക്കും അവതരിപ്പിച്ചു. 2024-25 വർഷത്തേക്കുള്ള സംസ്ഥാന ഭാരവാഹികളെയും തിരഞ്ഞെടുത്തു.
ഡോ. ചെറിയാൻ പി കുര്യൻ (കോട്ടയം) പ്രസിഡന്റായും, ഡോ.എം.പി ആന്റണി (എറണാകുളം) വർക്കിങ് പ്രസിഡന്റായും, സേവ്യർ കുട്ടി ഫ്രാൻസിസ് (കണ്ണൂർ) ജനറൽ സെക്രട്ടറിയായും തിരഞ്ഞെടുക്കപ്പെട്ടു. കൂടാതെ, ഡോ. കെ.ആർ അനീഷ് (എറണാകുളം) അസോസിയേറ്റ് സെക്രട്ടറിയായും, ഡോ. ഫ്രാൻസീന സേവ്യർ (തിരുവനന്തപുരം) ട്രഷററായും തിരഞ്ഞെടുക്കപ്പെട്ടു. എക്സിക്യൂട്ടീവ് കൗൺസിൽ അംഗങ്ങളായി ഡോ.ഐപ്പ് വർഗ്ഗീസ്‌, എം റ്റി ബാബു എന്നിവരെയും തിരഞ്ഞെടുത്തു. വൈസ് പ്രസിഡന്റുമാരായി എം ബി ദിലീപ്കുമാർ, ഡോ സിബി ജോസഫ്, മിനി ടീച്ചർ, സൈജിത്ത് എൻ ശശിധരൻ എന്നിവരെയും ജോയിന്റ്റ് സെക്രെട്ടറിമാരായി ഷൈൻ വയല, എം.ഒ ഡോ.ഷാലി, അരുൺ മുല്ലക്കൽ, ബിബിൻ ചമ്പക്കര എന്നിവരെയും തിരഞ്ഞെടുത്തു.
Story Highlights: Kerala Association of Professional Social Workers demands commission to study and improve remuneration of social workers
