ഒക്ടോബർ ആറിന് മധ്യപ്രദേശിലെ ഗ്വാളിയോറിൽ നടക്കാനിരിക്കുന്ന ഇന്ത്യ-ബംഗ്ലാദേശ് ടി20 മത്സരത്തിനെതിരെ ഹിന്ദു മഹാസഭ രംഗത്തെത്തി. മത്സരം നടത്താൻ അനുവദിക്കില്ലെന്നും അന്നേ ദിവസം ഗ്വാളിയോറിൽ ബന്ദിന് ആഹ്വാനം ചെയ്തിട്ടുണ്ടെന്നും സംഘടന അറിയിച്ചു.
ബംഗ്ലാദേശിൽ ഹിന്ദുക്കൾക്കെതിരായ അതിക്രമങ്ങളിൽ പ്രതിഷേധിച്ചാണ് ഈ തീരുമാനമെന്ന് ഹിന്ദു മഹാസഭയുടെ ദേശീയ വൈസ് പ്രസിഡന്റ് ജയ്വീർ ഭരദ്വാജ് വ്യക്തമാക്കി. ബംഗ്ലാദേശിൽ ഹിന്ദുക്കൾ പീഡിപ്പിക്കപ്പെടുകയാണെന്നും ക്ഷേത്രങ്ങൾ നശിപ്പിക്കപ്പെട്ടുവെന്നും ജയ്വീർ ഭരദ്വാജ് ആരോപിച്ചു.
മത്സരം നടത്താൻ അനുവദിക്കില്ലെന്നും ബംഗ്ലാദേശ് ടീം ഗ്വാളിയറിൽ കളിക്കാൻ വരുമ്പോൾ പ്രതിഷേധിക്കുമെന്നും അദ്ദേഹം പറഞ്ഞു. 30,000 പേർക്ക് മത്സരം കാണാൻ സാധിക്കുന്ന ഗ്വാളിയോറിലെ മാധവറാവു സിന്ധ്യ ക്രിക്കറ്റ് സ്റ്റേഡിയത്തിലാണ് ഇന്ത്യ-ബംഗ്ലാദേശ് ടി20 മത്സരം നടക്കാനിരിക്കുന്നത്.
14 വർഷത്തിന് ശേഷമാണ് ഗ്വാളിയോറിൽ അന്താരാഷ്ട്ര ക്രിക്കറ്റ് മത്സരം നടക്കുന്നത്. ക്രമസമാധാനപാലനം ഉറപ്പാക്കാൻ എല്ലാ സുരക്ഷാ ക്രമീകരണങ്ങളും ഒരുക്കിയിട്ടുണ്ടെന്ന് ഗ്വാളിയോർ ജില്ലാ പൊലീസ് ഉറപ്പു നൽകി.
ഇന്ത്യ-ബംഗ്ലാദേശ് ടെസ്റ്റ് പരമ്പര നടക്കുന്നതിനെതിരെയും വിവിധ ഹിന്ദു സംഘടനകൾ പ്രതിഷേധം അറിയിച്ചിരുന്നു. ടെസ്റ്റ് പരമ്പരയിലെ ആദ്യ മത്സരം നടന്ന ചെന്നൈ ചെപ്പോക്ക് സ്റ്റേഡിയത്തിന് പുറത്തും ഹിന്ദു സംഘടനകളുടെ പ്രതിഷേധം ഉണ്ടായിരുന്നു.
Story Highlights: Hindu Mahasabha calls for bandh on Oct 6, opposes India-Bangladesh T20 match in Gwalior
ഭാര്യ ഉപേക്ഷിച്ചുപോയതിലുള്ള വിഷമത്തിൽ മദ്യലഹരിയിൽ യുവാവ് റെയിൽവേ സ്റ്റേഷനിലേക്ക് കാറോടിച്ച് കയറ്റി. ഗ്വാളിയോറിലാണ് Read more
ഹിന്ദുമഹാസഭ ഇടത് പക്ഷത്തിന് പിന്തുണ നൽകിയിട്ടില്ലെന്ന് ഹിമവൽ ഭദ്രാനന്ദ അറിയിച്ചു. പിന്തുണ അറിയിച്ചത് Read more
ഗ്വാളിയോറിൽ ഭാര്യയെ കൊലപ്പെടുത്തിയ ഭർത്താവ് പിടിയിൽ. റോഡപകടമെന്ന് വരുത്തിത്തീർക്കാനായിരുന്നു ശ്രമം. പോസ്റ്റ്മോർട്ടം റിപ്പോർട്ടും Read more
ഭോപ്പാൽ ഗ്വാളിയോറിൽ മയക്കുമരുന്നിന് അടിമയായ മകനെ വാടകക്കൊലയാളികളെക്കൊണ്ട് കൊല്ലിച്ച പിതാവ് അറസ്റ്റിലായി. 50,000 Read more
മധ്യപ്രദേശിലെ ഗ്വാളിയോറിൽ ഒരു യുവാവ് തന്റെ കറുത്ത നിറം കാരണം ഭാര്യ ഉപേക്ഷിച്ചുവെന്ന Read more
