Kerala to Digitalize Driving Licenses: Minister K B Ganesh Kumar

ഗതാഗത വകുപ്പ് മന്ത്രി കെ ബി ഗണേഷ്കുമാർ പ്രധാനപ്പെട്ട പ്രഖ്യാപനം നടത്തി. ഡ്രൈവിങ് ലൈസൻസ് കാർഡ് ഒഴിവാക്കി പൂർണമായും ഡിജിറ്റലാക്കുമെന്നാണ് മന്ത്രി അറിയിച്ചത്. നിലവിലെ കാർഡ് ലൈസൻസിനു പകരം ഓൺലൈനായി ഡൗൺലോഡ് ചെയ്യാവുന്ന ഡിജിറ്റൽ ലൈസൻസ് സംവിധാനം ഏർപ്പെടുത്തും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ക്യൂആർ കോഡും ഫോട്ടോയും ഉൾപ്പെടുത്തി സ്മാർട്ട്ഫോണിൽ സൂക്ഷിക്കാവുന്ന രീതിയിലായിരിക്കും പുതിയ ഡിജിറ്റൽ ലൈസൻസ്. സംസ്ഥാനത്ത് 13 സ്ഥലങ്ങളിൽ കൂടി കെഎസ്ആർടിസി ഡ്രൈവിങ് സ്കൂളുകൾ ആരംഭിക്കുമെന്ന് മന്ത്രി അറിയിച്ചു. എല്ലാ ജില്ലയിലും ഡ്രൈവിങ് ട്രെയിനിങ് സെന്ററുകൾ സ്ഥാപിക്കും.

ഓരോ സെന്ററിനും ഒരു കോടി രൂപ വീതം ചെലവഴിക്കും. കേന്ദ്ര സഹായത്തോടെയാണ് ഈ പദ്ധതി നടപ്പിലാക്കുന്നത്. ഇതിനായി കേന്ദ്ര സർക്കാരിനെ സമീപിച്ചിട്ടുണ്ടെന്നും മന്ത്രി വ്യക്തമാക്കി.

കെഎസ്ആർടിസിയിൽ ശമ്പളം ഒന്നിനും അഞ്ചിനും ഇടയിൽ നൽകുന്ന സാഹചര്യം രണ്ട്-മൂന്ന് മാസത്തിനുള്ളിൽ ഉണ്ടാകുമെന്ന് മന്ത്രി പറഞ്ഞു. ഓണം ബോണസും അലവൻസും ഈ മാസം 30-ന് ശേഷം നൽകും. ബ്രെത്ത് അനലൈസർ പരിശോധന തുടങ്ങിയതോടെ അപകടങ്ങൾ കുറയ്ക്കാൻ സാധിച്ചതായും മന്ത്രി വ്യക്തമാക്കി.

കോട്ടയം നാട്ടകത്ത് ജീപ്പ്-ലോറി കൂട്ടിയിടി: രണ്ട് പേർ മരിച്ചു

നേരത്തെ പ്രതിമാസം 40-48 വരെ അപകടങ്ങൾ നടന്നിരുന്നെങ്കിൽ ഇപ്പോൾ ആഴ്ചയിൽ ഒരു അപകടമരണം പോലും ഇല്ലാത്ത നല്ല ദിവസങ്ങൾ ഉണ്ടാകുന്നുണ്ടെന്നും അദ്ദേഹം കൂട്ടിച്ചേർത്തു.

Story Highlights: Kerala Transport Minister K B Ganesh Kumar announces digitalization of driving licenses, replacing physical cards with downloadable digital versions featuring QR codes.

ആറ് വയസുകാരന്റെ മരണം കൊലപാതകം; അയൽവാസി അറസ്റ്റിൽ