നടൻ സിദ്ദിഖിനെ കണ്ടെത്താനുള്ള പൊലീസിന്റെ വ്യാപക തിരച്ചിൽ തുടരുകയാണ്. മുൻകൂർ ജാമ്യഹർജി ഹൈക്കോടതി തള്ളി 24 മണിക്കൂർ പിന്നിട്ടിട്ടും സിദ്ദിഖിനെ കണ്ടെത്താൻ പൊലീസിന് സാധിച്ചിട്ടില്ല. സംഘങ്ങളായി തിരിഞ്ഞ് സംസ്ഥാനത്തിന് അകത്തും പുറത്തും അന്വേഷണം നടത്തുന്നുണ്ട്. സിനിമാ സുഹൃത്തുക്കളുടെ ഫോൺ നമ്പറുകൾ കേന്ദ്രീകരിച്ചും വീടുകളിലും സ്ഥാപനങ്ങളിലും നിരീക്ഷണം ശക്തമാണ്.
കൊച്ചി നഗരത്തിലെ ഹോട്ടലുകളിൽ പൊലീസ് രാത്രി പരിശോധന നടത്തിയിരുന്നു. ആലപ്പുഴയിൽ ഹൗസ് ബോട്ടുകൾ കേന്ദ്രീകരിച്ചും സിദ്ദിഖിനായുള്ള തെരച്ചിൽ നടന്നു. അതേസമയം രാവിലെ അൽപ്പ സമയം സിദ്ദിഖിന്റെ ഫോൺ ഓണായിരുന്നു. എന്നാൽ പിന്നീട് സ്വിച്ച് ഓഫ് ചെയ്തു. സിദ്ദിഖ് അഭിഭാഷകരുമായി ഫോണിൽ സംസാരിച്ചതായി വിവരമുണ്ട്.
ഇതിനിടെ സിദ്ദിഖിന്റെ അപ്പീൽ ഹർജി സുപ്രീം കോടതി നമ്പരിട്ടാൽ വിധി വരും വരെ കാത്തിരിക്കാനാണ് പോലീസ് തീരുമാനം. എന്നാൽ ഹർജി നമ്പരാകും മുൻപ് സിദ്ദിഖിനെ കണ്ടെത്താനായാൽ അറസ്റ്റ് രേഖപ്പെടുത്തും. പൊലീസ് സംഘങ്ങൾ വിവിധ സ്ഥലങ്ങളിൽ തിരച്ചിൽ തുടരുകയാണ്.
Story Highlights: Police conduct extensive search for actor Siddique after his anticipatory bail plea was rejected
