കെൽട്രോണിൽ ഡിപ്ലോമ ഇൻ ജനറേറ്റീവ് എഐ എൻഹാൻസ്‌ഡ് ന്യൂ മീഡിയ ആൻഡ് വെബ് സൊലുഷൻസ് കോഴ്‌സ് പഠിക്കാനുള്ള അവസരം ലഭ്യമാണ്. ഏതെങ്കിലും വിഷയത്തിൽ ബിരുദമോ മൂന്നുവർഷം ഡിപ്ലോമ യോഗ്യതയോ ഉള്ളവർക്ക് ഈ കോഴ്‌സിന് അപേക്ഷിക്കാം. മൂന്നുമാസം നീണ്ടുനിൽക്കുന്ന ഈ കോഴ്‌സ് ഒക്ടോബർ 14ന് ആരംഭിക്കും. തിരുവനന്തപുരം, കോട്ടയം, എറണാകുളം, തൃശൂർ, പാലക്കാട്, കോഴിക്കോട്, കുറ്റിപ്പുറം എന്നീ നോളജ് സെൻ്ററുകളിലാണ് പഠനം നടത്തുന്നത്.
ഡിജിറ്റൽ മീഡിയയിലെ പുതിയ സാധ്യതകളും നിർമിത ബുദ്ധിയിലെ പരിശീലനവും ഈ കോഴ്‌സിൽ ഉൾപ്പെടുത്തിയിട്ടുണ്ട്. ഓൺലൈൻ പത്രവാർത്തകളുടെ പ്രചാരണ വിനിമയതന്ത്രങ്ങൾ, വിവിധ ബ്രാന്റിങ് രീതികൾ, റെപ്യൂട്ടേഷൻ മാനേജ്‌മെന്റ്റ്, ആർട്ടിഫിഷ്യൽ ഇൻ്റലിജൻസ് (എഐ) ഉപയോഗിച്ചുള്ള സെർച്ച് ആൻഡ് ഡിസ്‌പ്ലെ അഡ്വെർടൈസിങ്, ഓൺലൈൻ പബ്ലിക് റിലേഷൻസ് എന്നിവയും പഠനവിഷയങ്ങളിൽ ഉൾപ്പെടുന്നു. കമ്യൂണിറ്റി മാനേജ്‌മെൻ്റ്, ടെക്നിക്കൽ വെബ് ജേർണലിസം, വെബ് ഓഡിറ്റിങ്, ടെൻഡ് അനാലിസസ്, സോഷ്യൽ മീഡിയ സെർച്ച് എൻജിൻ അൽഗോരിതമുകളുടെ ഉപയോഗം തുടങ്ങിയവയും കോഴ്‌സിന്റെ ഭാഗമാണ്.
പെർഫോർമൻസ് മാർക്കറ്റിങ്, ഇൻഫ്ലുവെൻസർ മാർക്കറ്റിങ്, ബിഹേവിയറൽ അഡ്വെർടൈസിങ്, വീഡിയോ മാർക്കറ്റിങ്, ഡിജിറ്റൽ മാർക്കറ്റിങ് എന്നീ മേഖലകളിൽ വൈദഗ്‌ധ്യം നേടാൻ ഈ കോഴ്‌സ് സഹായിക്കും. പ്രായോഗിക പരിശീലനത്തിന് പ്രത്യേക ഊന്നൽ നൽകുന്ന ഈ കോഴ്‌സിനെക്കുറിച്ച് കൂടുതൽ വിവരങ്ങൾക്ക് 9995668444, 9188665545, 8590368988 എന്നീ നമ്പറുകളിൽ ബന്ധപ്പെടാവുന്നതാണ്.
Story Highlights: Keltron offers Diploma in Generative AI Enhanced New Media and Web Solutions, focusing on digital media and AI training
