Paramekkavu welcomes ADGP report on Thrissur Pooram controversy

തൃശൂർ പൂരത്തെ തകർക്കാൻ എൻജിഒകൾ ശ്രമിച്ചെന്ന് പാറമേക്കാവ് ദേവസ്വം ആരോപിച്ചു. കൊച്ചിയിലെ സ്വകാര്യ ഹോട്ടലിൽ യോഗം ചേർന്നതായും, രണ്ടുവർഷം മുമ്പും സമാനമായ യോഗം നടന്നിരുന്നതായും പാറമേക്കാവ് വെളിപ്പെടുത്തി. വനംവകുപ്പിനെതിരായ എഡിജിപിയുടെ റിപ്പോർട്ട് സ്വാഗതം ചെയ്ത പാറമേക്കാവ്, വനംവകുപ്പിനെതിരെ ഉയർത്തിയ ആരോപണങ്ങൾ അംഗീകരിച്ചതിൽ സന്തോഷമുണ്ടെന്ന് അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൂരത്തിന് ദിവസങ്ങൾക്കു മുൻപ് വനം വകുപ്പ് പുറപ്പെടുവിച്ച സർക്കുലറിൽ 50 മീറ്റർ ദൂരപരിധി വേണമെന്ന് പറഞ്ഞിരുന്നു. മൂന്നുമീറ്റർ എന്ന ദൂരപരിധി 50 മീറ്റർ ആക്കിയത് ആരുടെ പ്രേരണയിലാണെന്നും, ഇത് തൃശൂർ പൂരത്തെ തകർക്കാനാണെന്നും പാറമേക്കാവ് ദേവസ്വം ചോദ്യമുന്നയിച്ചു. ഏപ്രിൽ 11 ന് സർക്കുലർ ഇറക്കിയതിന് പിന്നിൽ കള്ളക്കളിയുണ്ടെന്നും, ഇത് ഡിസംബർ 20 ന് നടന്ന യോഗത്തിൻ്റെ ഭാഗമാണെന്നും പാറമേക്കാവ് ആരോപിച്ചു.

വനം വകുപ്പിന്റെ ചില ഉത്തരവുകൾ പൂരം സംഘാടകർക്ക് പ്രശ്നങ്ങൾ ഉണ്ടാക്കിയെന്ന് എഡിജിപിയുടെ റിപ്പോർട്ടിൽ പറയുന്നു. ആന വിഷയത്തിൽ പാറമേക്കാവ് ദേവസ്വത്തിന്റെ പരാതികളിൽ കഴമ്പുണ്ടെന്നും റിപ്പോർട്ടിൽ പരാമർശമുണ്ട്. പൂരം അന്വേഷണ റിപ്പോർട്ട് സർക്കാർ ഹൈക്കോടതിയിൽ സമർപ്പിക്കുമെന്നും, എഡിജിപിയുടെ അന്വേഷണ റിപ്പോർട്ട് സർക്കാർ എജിക്ക് അയച്ചതായും അറിയുന്നു.

ധീരജിനെ കുത്തിയ കത്തിക്ക് പുഷ്പചക്രം; യൂത്ത് കോൺഗ്രസിന് കെ.കെ. രാഗേഷിന്റെ മുന്നറിയിപ്പ്

600 പേജുള്ള റിപ്പോർട്ട് സീൽഡ് കവറിൽ മെസഞ്ചർ വഴിയാണ് ഡി. ജി. പിയ്ക്ക് കൈമാറിയത്.

Story Highlights: Paramekkavu Devaswom welcomes ADGP report against forest department, alleges NGO conspiracy to disrupt Thrissur Pooram

കാളികാവ് കടുവ: തിരച്ചിൽ അഞ്ചാം ദിവസത്തിലേക്ക്; വനം വകുപ്പിന് വീഴ്ച സംഭവിച്ചതായി കണ്ടെത്തൽ