Kerala Introduces Ambulance Tariffs: A First in India

കേരളത്തിലെ ആംബുലൻസുകൾക്ക് താരിഫ് നിശ്ചയിച്ച് സർക്കാർ ഉത്തരവിറക്കി. ഗതാഗത മന്ത്രി കെ. ബി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഗണേഷ് കുമാറാണ് ഈ നിർണായക തീരുമാനം പ്രഖ്യാപിച്ചത്. ഇന്ത്യയിൽ ആദ്യമായാണ് ഒരു സംസ്ഥാനം ആംബുലൻസിന് താരിഫ് ഏർപ്പെടുത്തുന്നത്. ആംബുലൻസ് ഉടമകളുടെ സംഘടനയുമായി നടത്തിയ ചർച്ചകളുടെ അടിസ്ഥാനത്തിലാണ് മിനിമം നിരക്കും അധിക കിലോമീറ്ററിന് ഈടാക്കാവുന്ന നിരക്കും തീരുമാനിച്ചത്.

ഐസിയു സംവിധാനമുള്ള ആംബുലൻസിന് 10 കിലോമീറ്ററിൽ 2,500 രൂപയും, സി ലെവൽ ആംബുലൻസിന് 1,500 രൂപയും, ബി ലെവൽ ആംബുലൻസിന് 1,000 രൂപയുമാണ് മിനിമം ചാർജ്. അധിക കിലോമീറ്ററിന് ഐസിയു സംവിധാനമുള്ള ആംബുലൻസിന് 50 രൂപയും മറ്റുള്ളവയ്ക്ക് 40, 30 രൂപ വീതവും ഈടാക്കും. വെന്റിലേറ്റർ ആംബുലൻസ് ഉപയോഗിക്കുന്ന ബിപിഎൽ കാർഡ് ഉടമകൾക്ക് 20 ശതമാനം ഇളവ് ലഭിക്കും.

കാൻസർ രോഗികൾക്കും 12 വയസ്സിന് താഴെയുള്ള കുട്ടികൾക്കും ഓരോ കിലോമീറ്ററിനും രണ്ട് രൂപ വീതം ഇളവ് നൽകും. താരിഫുകൾ ആംബുലൻസിൽ പ്രദർശിപ്പിക്കുമെന്നും യാത്രാ വിവരങ്ങൾ അടങ്ങിയ ലോഗ് ബുക്ക് നിർബന്ധമാക്കുമെന്നും മന്ത്രി അറിയിച്ചു. സംശയം തോന്നുന്ന ആംബുലൻസുകളിൽ പരിശോധന നടത്തും.

സിപിഐഎം നേതാവിന്റെ ഭീഷണി: വില്ലേജ് ഓഫീസർ സ്ഥലംമാറ്റം ആവശ്യപ്പെട്ടു

ആംബുലൻസ് ഡ്രൈവർമാർക്ക് പ്രത്യേക തിരിച്ചറിയൽ കാർഡും നേവി ബ്ലൂ ഷർട്ടും ബ്ലാക്ക് പാന്റും അടങ്ങുന്ന യൂണിഫോമും ഏർപ്പെടുത്തുമെന്നും മന്ത്രി വ്യക്തമാക്കി.

Story Highlights: Kerala government introduces tariff system for ambulances, first in India

ഏറ്റുമാനൂർ ആത്മഹത്യാ കേസ്: നോബി ലൂക്കോസിന് ജാമ്യം